ସୁନ୍ଦରଗଡ଼: ଉଜ୍ଜ୍ବଳପୁର ବନଖଣ୍ଡ ଅନ୍ତର୍ଗତ କିଞ୍ଜିରକେଲା ରାଏଡିହିରେ ହାତୀ ଉପଦ୍ରବ । ହାତୀ ଆକ୍ରମଣରେ ସନାତନ ନାଏକଙ୍କ ମୃତ୍ୟୁ ହୋଇଛି । ସନାତନ ତାଙ୍କ ଘର କାକେର ଜୋରରୁ ରାଏଡିହି ଆସୁଥିବାବେଳେ ଦନ୍ତା ହାବୁଡରେ ପଡିଥିଲେ । ଧାନବିଲରେ ସନାତନଙ୍କୁ ଦଳି ଦେଇଥିଲା ଦନ୍ତା ।
ବଢ଼ିବାରେ ଲାଗିଛି ହାତୀ ଉପଦ୍ରବ, ଧାନକ୍ଷେତରେ ଦଳି ଦେଲା ହାତୀ
ତେବେ ମୃତ ବ୍ୟକ୍ତି ଜଣଙ୍କ ଗତ ବର୍ଷ ବିବାହ କରିଥିଲେ । ଘଟଣାସ୍ଥଳରେ କିଞ୍ଜିରକେଲା ପୋଲିସ ଓ ବନ ବିଭାଗ ଅଧିକାରୀ ପହଞ୍ଚି ମୃତଦେହକୁ ଉଦ୍ଧାର କରି ତଦନ୍ତ ଚଳାଇଛନ୍ତି । ଆଜି ସକାଳ 8ଟା ପାଖାପାଖି ଏହି ଘଟଣା ଘଟିଛି ।
ସୁନ୍ଦରଗଡ଼ରୁ ହରିହରଦାସ ମହାପାତ୍ର, ଇଟିଭି ଭାରତ
