ରାଉରକେଲା: ଜଣେ 50 ବର୍ଷୀୟ ବ୍ୟକ୍ତିଙ୍କୁ ପଥରରେ ଛେଚି ହତ୍ୟା କଲେ ଦୁର୍ବୁତ । ସୁନ୍ଦରଗଡ଼ ଜିଲ୍ଲା ବିରମିତ୍ରପୁର ଟାଉନର ଡେଲି ମାର୍କେଟ ନିକଟରେ ଘଟିଛି ଏଭଳି ଦୟନୀୟ ଘଟଣା । ମୃତକଙ୍କ ନା କବିବର ଜୟପୁରିୟା ବୋଲି ଜଣା ପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ସୂଚନା ମୁତାବକ, କବିବର ବିରମିତ୍ରପୁର ଟାଉନରେ ବିଭିନ୍ନ ହୋଟେଲକୁ ପାଣି ସପ୍ଲାଇ କରିବା ସହ ଛୋଟମୋଟ କାମ କରୁଥିଲେ । ତେବେ ଆଜି ସକାଳୁ ରାସ୍ତା କଡରେ ତାଙ୍କର ମୃତଦେହ ମିଳିଥିଲା । ସୋମବାର ବିଳମ୍ବିତ ରାତିରେ କେହି ତାଙ୍କୁ ହତ୍ୟା କରିଥିବା ଅନୁମାନ କରାଯାଉଛି । ସେପଟେ ହତ୍ୟାର କାରଣ ଜଣା ପଡିନଥିବା ବେଳେ ବିରମିତ୍ରପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
