ସୁନ୍ଦରଗଡ : ବଣେଇ ଉପଖଣ୍ଡ ଟିକାୟତ ପାଲି ଥାନା ଅନ୍ତର୍ଗତ ସରସରା ଗ୍ରାମରେ ଗତ ଗରୁବାର ଭୋର ସମୟରେ ଏକ ହତ୍ୟାକାଣ୍ଡ ଘଟିଯାଇଛି । ନବବଧୂକୁ ହତ୍ୟା କରି ସ୍ୱାମୀ ଓ ଶ୍ୱଶୁର ଗିରଫ ହୋଇଥିବା ବେଳେ ଏବେ ନଣନ୍ଦର ନାମ ପୋଲିସ ତାଲିକାରେ ରହିଛି ।
ସୁରେସ୍ୱରୀ ବେହେରା (30 ବର୍ଷ)ଙ୍କୁ ତାଙ୍କ ସ୍ୱାମୀ ବିଭୂତି ଭୂଷଣ ବେହେରା ଓ ଶ୍ୱଶୁର ଲକ୍ଷ୍ମଣ ବେହେରା ଶାରୀରିକ, ମାନସିକ ଓ ଯୌତୁକ ନିର୍ଯ୍ୟାତନା ଦେଇ ଆସୁଥିବା ବେଳେ ଗତ ଗୁରୁବାର ଭୋରରେ ତାର ଜୀବନ ନେଇଛନ୍ତି ବୋଲି ସୁରେସ୍ୱରୀର ମା’ ସୁକାନ୍ତି ବେହେରା ଅଭିଯୋଗ କରିଥିଲେ । ତେବେ କେବଳ ସ୍ୱାମୀ, ଶ୍ୱଶୁର ନୁହନ୍ତି ସେଥିରେ ତାଙ୍କ ନଣନ୍ଦ ମଧ୍ୟ ସାମିଲ ଥିବା ସୁରେଶ୍ୱରୀର ମା’ ଅଭିଯୋଗ ଆଣିଛନ୍ତି ।
ଗତକାଲି ଟିକାୟତ ପାଲି ପୋଲିସ ବିଭିନ୍ନ ସୁରାକ ନେଇ ଅଭିଯୁକ୍ତ ବିଭୂତି ଭୂଷଣ ବେହେରା ଓରଫ ମିଥୁନ ଓ ଲକ୍ଷ୍ମଣ ବେହେରାକୁ ଗିରଫ କରି ଆଜି କୋର୍ଟ ଚାଲାଣ କରିଥିବା ବେଳେ ଏହି ହତ୍ୟାକାଣ୍ଡରେ ସୁରେଶ୍ୱରୀର ନଣନ୍ଦର ନାମ କ୍ରାଇମ ତାଲିକାରେ ଯୋଡିଛି । ତେବେ ବିଭିନ୍ନ ଦିଗରୁ ପୋଲିସ ତଦନ୍ତ ଜାରି ରଖିଥିବା ବେଳେ ପୋଷ୍ଟମୋର୍ଟମ ରିପୋର୍ଟ ଆସିବା ପରେ ସମ୍ପୂର୍ଣ୍ଣ ଘଟଣା ପଦାକୁ ଆସିବ ବୋଲି କହିଛି । ପୋଷ୍ଟ ମୋର୍ଟେମ ରିପୋର୍ଟରେ ବିଭୂତିର ଭଉଣୀର ସମ୍ପୃକ୍ତି ଥିବା କଥା ଯଦି ଜଣାପଡେ ତେବେ ତାକୁ ମଧ୍ୟ ଗିରଫ କରି କୋର୍ଟ ଚାଲାଣ କରାଯିବ ବୋଲି ଟିକାୟତ ପାଲି ପୋଲିସ କହିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
