ସୁନ୍ଦରଗଡ଼: ଜିଲ୍ଲା କିଞ୍ଜିରକେଲା ଥାନା ଅନ୍ତର୍ଗତ ବ୍ରାହ୍ମଣ ମୁରାରେ ଘଟିଛି ଅଭାବନୀୟ ଘଟଣା । ବାପା ପୁଅକୁ ହତ୍ୟା କରିଥିବା ଭଳି ସମ୍ବେଦନଶୀଳ ଖବର ସାମ୍ନାକୁ ଆସିଛି ।
ସୁନ୍ଦରଗଡ ଜିଲ୍ଲା କିଞ୍ଜିରକେଲା ଥାନା ଅନ୍ତର୍ଗତ ବ୍ରାହ୍ମଣ ମୁରା ଖଡ଼ିଆ ପଡାରେ ଘଟିଛି ଏହି ଅଭାବନୀୟ ଘଟଣା । ଗତକାଲି(ଶନିବାର) ରାତିରେ କୌଣସି କଥାକୁ କେନ୍ଦ୍ର କରି ବାପା ରାମ ମୁଣ୍ଡା(୬୫) ଓ ପୁଅ ସୁନ୍ଦର ସାଇ ମୁଣ୍ଡା(35) ମଧ୍ୟରେ କଥା କଟାକଟି ହୋଇଥିଲା । ଏଥିରେ ଉତକ୍ଷିପ୍ତ ହୋଇ ରାମ ମୁଣ୍ଡା ସୁନ୍ଦର ମୁଣ୍ଡାଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ । ଫଳରେ ଘଟଣାସ୍ଥଳରେ ହିଁ ପୁଅ ସୁନ୍ଦରଙ୍କ ମୃତ୍ୟୁ ଘଟିଛି ।
ଏନେଇ ଆଜି(ରବିବାର) ଗ୍ରାମବାସୀ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ସୁନ୍ଦରଗଡ ଡାକ୍ତରଖାନାକୁ ବ୍ୟବଛେଦ ପାଇଁ ପଠାଇଛି । ଏଥିସହ ଅଭିଯୁକ୍ତ ବାପାକୁ ଗିରଫ ମଧ୍ୟ କରିଛି ପୋଲିସ । ଆସନ୍ତାକାଲି ଅଭିଯୁକ୍ତକୁ କୋର୍ଟ ଚାଲାଣ କରାଯିବା ନେଇ କିଞ୍ଜିରକେଲା ଥାନା ଅଧିକାରୀ ସୂଚନା ଦେଇଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
