ଯାଜପୁର କାଳୀପୂଜା କାର୍ଯ୍ୟକ୍ରମରେ ବର୍ଷା-ଅନୁଭବ, ବଢିଲା ଫ୍ୟାନ୍ସଙ୍କ କ୍ରେଜ୍

ଯାଜପୁର: ଦୁଲୁକୁଛି ଯାଜପୁର । କାଳୀପୂଜା ପାଇଁ ଆୟୋଜିତ ହେଉଛି ରଙ୍ଗାରଙ୍ଗ କାର୍ଯ୍ୟକ୍ରମ। ପାଖାପାଖି ମଣ୍ଡପର ମଞ୍ଚରେ ଅଭିନେତା ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀଙ୍କୁ ଦେଖିବାକୁ ମିଳିଥିବାବେଳେ ଏହାକୁ ନେଇ ଚର୍ଚ୍ଚା ଜୋର ଧରିଛି । ସେହିପରି ସବ୍ୟସାଚ୍ଚୀ, ଅର୍ଚ୍ଚିତା ଓ ଆକାଶ ଦାସ ନାୟକ ମଧ୍ୟ କାର୍ଯ୍ୟକ୍ରମରେ ସାମିଲ ହୋଇଥିଲେ । ବ୍ୟାସନଗର ଓ ଯାଜପୁର ଟାଉନ ସମେତ ଜିଲ୍ଲାର ବିଭିନ୍ନ ସ୍ଥାନରେ ହୋଇଛି କାଳୀପୂଜା । ଚଳିତ ବର୍ଷ ଯାଜପୁର ଟାଉନରେ ହରପାର୍ବତୀ ଓ  44ଟି ମଣ୍ଡପରେ ମା' କାଳୀଙ୍କ ମେଢ଼ ପୂଜା ପାଉଛି । 

ଏହା ବି ପଢନ୍ତୁ...ଅନୁଭବ-ବର୍ଷାଙ୍କ ଛାଡପତ୍ର ! ତୁଟିଲା ୧୦ ବର୍ଷର ବୈବାହିକ ସମ୍ପର୍କ

ବ୍ୟାସନଗର ସହରରେ ୧୭ଟି ମଣ୍ଡପରେ ପାଳିତ ହୋଇଛି ମା' ଶ୍ୟାମାକାଳୀଙ୍କ ପୂଜା ଉତ୍ସବ । ମଣ୍ଡପମାନଙ୍କରେ ସୁନ୍ଦର ସୁନ୍ଦର ତୋରଣ ସହିତ ସୁସଜ୍ଜିତ ରଙ୍ଗୀନ ଆଲୋକରେ ଝଟକୁଛି ସାରା ସହର । ବିଭିନ୍ନ ସ୍ଥାନରେ ମା' କାଳୀଙ୍କ ମୃଣ୍ମୟୀ ମୂର୍ତ୍ତି ପୂଜା ପାଇଛନ୍ତି । ଆଧୁନିକ ଓ ପୌରାଣିକ ଘଟଣାବଳୀକୁ ନେଇ ଗଢାଯାଇଛି ବାରୁଆଳି । ଏଥିସହିତ ପ୍ରତ୍ୟେକ ରାତିରେ ଷ୍ଟାରମାନଙ୍କ ସାଂସ୍କୃତିକ କାର୍ଯ୍ୟକ୍ରମରେ ମତୁଆଲା ହେଉଛନ୍ତି ଦର୍ଶକ । ଆଉ ମାତ୍ର ଦୁଇଦିନ ପରେ ପୂଜା ଶେଷ ହେବାକୁ ଥିବାବେଳେ ପ୍ରତ୍ୟେକ  ସନ୍ଧ୍ୟାରେ ମା'ଙ୍କ ଦର୍ଶନ ପାଇଁ ହଜାର ହଜାର ଦର୍ଶକଙ୍କ ଭିଡ ଜମୁଛି l

ଇଟିଭି ଭାରତ, ଯାଜପୁର