ସୁନ୍ଦରଗଡ଼: ଜିଲ୍ଲାର ସାଧାରଣ ଜନ ସ୍ବାସ୍ଥ୍ୟ ବିଭାଗର ସହକାରୀ ଯନ୍ତ୍ରୀ ନାରାୟଣ ପ୍ରଧାନ ଭିଜିଲାନ୍ସ ଦ୍ଵାରା ଗିରଫ ହୋଇଛନ୍ତି । ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ତାଙ୍କୁ ବୁଧବାର ବିଳମ୍ବିତ ରାତ୍ରିରେ ଗିରଫ କରାଯାଇଛି ।
ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଯନ୍ତ୍ରୀ ଗିରଫ
ଯନ୍ତ୍ରୀଙ୍କ ଘରେ ଗତ 15 ତାରିଖ ଦିନ ଭିଜିଲାନ୍ସ ଚଢ଼ାଉ କରିଥିଲା । 2 କୋଟି 33 ଲକ୍ଷ ଟଙ୍କା ଆୟ ବାହାରେ ଠୁଳ କରିଥିବା ଭିଜିଲାନ୍ସ କହିଛି । ବୁଧବାର ବିଳମ୍ବିତ ରାତ୍ରିରେ ତାଙ୍କୁ ଭିଜିଲାନ୍ସ ପକ୍ଷରୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ସେପଟେ ଗୁରୁବାର ମଧ୍ୟ ତାଙ୍କ ପୈତୃକ ଘର ଦେବଗଡ଼ରେ ଭିଜିଲାନ୍ସର ତଦନ୍ତ ଅବ୍ୟାହତ ଥିବା ସୁନ୍ଦରଗଡ ଭିଜିଲାନ୍ସ ବିଭାଗ ପକ୍ଷରୁ ସୂଚନା ମିଳିଛି ।
ସୁନ୍ଦରଗଡ଼ରୁ ହରିହର ଦାସ ମହାପାତ୍ର, ଇଟିଭି ଭାରତ
