ସୁନ୍ଦରଗଡ: ବ୍ୟକ୍ତିଙ୍କୁ କଚାଡି ମାରିଲା ଦନ୍ତା । ସୁନ୍ଦରଗଡ ଜିଲ୍ଲା କୁଆଁର ମୁଣ୍ଡା ଫରେଷ୍ଟ ରେଞ୍ଜ ଅନ୍ତର୍ଗତ ଝରାଡବେନ ଗ୍ରାମରେ ଜଣେ ବ୍ୟକ୍ତିଙ୍କୁ ଦନ୍ତା ହାତୀ କଚାଡି ମାରିଛି ।
ବ୍ୟକ୍ତିଙ୍କୁ କଚାଡି ମାରିଲା ଦନ୍ତା
ସୂଚନା ଅନୁଯାୟୀ, ଗ୍ରାମବାସୀ ଓ ଜଙ୍ଗଲ ବିଭାଗ ଅଧିକାରୀଙ୍କ ଦ୍ବାରା ଜଙ୍ଗଲୀ ହାତୀ ଦଳଙ୍କୁ ଘଉଡାଇବା ସମୟରେ ପିତୃଶ ନାମକ ବ୍ୟକ୍ତି ହାତୀର ସମ୍ମୁଖରେ ପଡିଯାଇଥିଲେ । ଫଳରେ ଦନ୍ତା ହାତୀଟି ପିତୃଶକୁ ଶୁଣ୍ଡରେ ଉଠାଇ କଚାଡି ମାରିଥିଲା । ଜଙ୍ଗଲ ବିଭାଗ ଅଧିକାରୀଙ୍କ ଉପସ୍ଥିତିରେ ଦନ୍ତାହାତୀ ପିତୃଶକୁ ଦଳି ମାରିଛି ।
ବନ ବିଭାଗ ଅଧିକାରୀ ତାଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ କୁଆଁର ମୁଣ୍ଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇବା ସହ ଅନ୍ତିମ ସତ୍କାର ପାଇଁ 4 ହଜାର ଟଙ୍କା ଅନୁକମ୍ପା ମୂଳକ ସହାୟତା ରାଶି ଯୋଗାଇଛନ୍ତି । ତେବେ ହାତୀ ସମ୍ମୁଖକୁ କେହି ନ ଯିବା ପାଇଁ ବନ ବିଭାଗ ମାଇକିଂ ସେବା ଜାରି ରଖିଥିଲେ ମଧ୍ୟ ପିତୃଶର ଜୀବନ ଅକାଳରେ ଯାଇଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
