ରାଉରକେଲା: ଆଜି ହେଉଛି ଜାତୀୟ କ୍ରୀଡା ଦିବସ । ଏହି ଉପଲକ୍ଷେ ରାଉରକେଲା ସହରରେ ବିଭିନ୍ନ କ୍ରୀଡା ଆସୋସିଏସନ ପକ୍ଷରୁ କ୍ରୀଡା ଦିବସ ପାଳନ କରାଯାଇଛି । ରାଉରକେଲା ସାଇକ୍ଲିଂ ଆସୋସିଏସନ ଏବଂ ଜିଲ୍ଲା ଆଥଲେଟିକ ଆସୋସିଏସନ ପକ୍ଷରୁ କ୍ରୀଡା ଦିବସ ପାଳନ କରାଯାଇ ସାଇକ୍ଲିଂ ମାରାଥନ ଆୟୋଜନ କରାଯାଇଥିଲା । ଏଥିରେ ରାଉରକେଲା ସହରର ବହୁ ଲୋକ ସାମିଲ ହୋଇ ସାଇକ୍ଲିଂ ମାରାଥନରେ ଭାଗ ନେଇଥିଲେ । ରାଉରକେଲା ସାଇକ୍ଲିଂ ଆସୋସିଏସନ ଓ ଜିଲ୍ଲା ସାଇକ୍ଲିଂ ଆସୋସିଏସନର ମିଳିତ ଆନୁକୂଲ୍ୟରେ ଆୟୋଜିତ ଏହି ଉତ୍ସବରେ ସହରବାସୀଙ୍କ ମଧ୍ୟରେ ଏକତା ଓ ଆଥଲେଟିକ୍ ମନୋଭାବ ଦେଖିବାକୁ ମିଳିଥିଲା ।
କିମ୍ବଦନ୍ତୀ ହକି ଖେଳାଳି ମେଜର ଧ୍ୟାନଚାନ୍ଦଙ୍କ ଜୟନ୍ତୀ ଅବସରରେ ଜାତୀୟ କ୍ରୀଡ଼ା ଦିବସ ଦେଶବ୍ୟାପୀ କ୍ରୀଡ଼ାପ୍ରେମୀଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛି । ଏହି ଦିନଟି ଶାରିରୀକ ସୁସ୍ଥତା, ଦଳଗତ କାର୍ଯ୍ୟ ଏବଂ ଖେଳର ଉତ୍ସାହର ଏକ ସ୍ମାରକୀ ଭାବେ କାର୍ଯ୍ୟ କରେ । ରାଉରକେଲାରେ ବିଭିନ୍ନ ଖେଳର ଉତ୍କଣ୍ଠାପୂର୍ଣ୍ଣ ଇତିହାସ ରହିଥିବାରୁ ଆଜିର ଦିନକୁ ଏଠାକାର ନାଗରିକ ବେଶ ଧୁମଧାମରେ ପାଳନ କରିଥିଲେ । ଏହି ଦିବସ ପାଳନର କେନ୍ଦ୍ରବିନ୍ଦୁ ଥିଲା ସାଇକ୍ଲିଂ ମାରାଥନ, ଯାହା ସବୁ ବର୍ଗର ଲୋକଙ୍କୁ ଏକାଠି କରିଥିଲା । ବିଭିନ୍ନ ବୟସ ଓ ପୃଷ୍ଠଭୂମିର ସାଇକେଲ୍ ଆରୋହୀମାନେ ସାଇକେଲ୍ ଚଲାଇ ଏକ ସୁସ୍ଥ ଜୀବନଶୈଳୀ ପ୍ରତି ସେମାନଙ୍କ ସମର୍ପଣ ଏବଂ କ୍ରୀଡ଼ା ପ୍ରତି ସେମାନଙ୍କ ଆଗ୍ରହ ଦେଖାଇଥିଲେ । ଏହି କାର୍ଯ୍ୟକ୍ରମ କେବଳ ଏକ ପ୍ରତିଯୋଗିତା ନଥିଲା, ଏହା ଏକତାର ଉତ୍ସବ ଏବଂ ଶାରିରୀକ କାର୍ଯ୍ୟ କଳାପର ଆନନ୍ଦ ଥିଲା । ରାଉରକେଲା ସାଇକ୍ଲିଂ ଆସୋସିଏସନ୍ ଓ ଜିଲ୍ଲା ଆଥଲେଟିକ୍ ଆସୋସିଏସନ୍ ପକ୍ଷରୁ ମାରାଥନକୁ ସଫଳ କରିବା ପାଇଁ କୌଣସି ସୁଯୋଗ ହାତଛଡ଼ା କରାଯାଇନଥିଲା ।
ଏହା ମଧ୍ୟ ପଢ଼ନ୍ତୁ...National Sports Day: ଆଜି ଜାତୀୟ କ୍ରୀଡା ଦିବସ, ମନେ ପଡନ୍ତି ହକି ଯାଦୁଗର
ସ୍ଥାନୀୟ ବରିଷ୍ଠ ଆଥଲେଟ ଏବଂ ଅଧିକାରୀମାନଙ୍କ ଦ୍ବାରା ଏହି କାର୍ଯ୍ୟକ୍ରମକୁ ପତାକା ଦେଖାଇ ଶୁଭାରମ୍ଭ କରାୟାଇଥିଲା । ଉତ୍ସାହ ଓ ଦୃଢ ମନୋବଳର ମିଶ୍ରଣରେ ଉଜ୍ଜ୍ବଳ କ୍ରୀଡ଼ା ବେଶଭୂଷାରେ ସଜ୍ଜିତ ପ୍ରତିଯୋଗୀମାନେ ଧାଡ଼ି ବାନ୍ଧିଥିଲେ । ଆରମ୍ଭ କରିବା ପାଇଁ ସିଗ୍ନାଲ ଦେବା ମାତ୍ରେ ସାଇକେଲ ଘଣ୍ଟି ଓ ଉତ୍ସାହଭରା ଖୁସିର ଶବ୍ଦରେ ରାଜରାସ୍ତା ପ୍ରକମ୍ପିତ ହୋଇ ଉଠିଥିଲା । ଏହି ସାଇକ୍ଲିଂ ମାରାଥନ ପ୍ରତିଯୋଗିତାରେ ଅଭିଜ୍ଞ ଆଥଲେଟ୍ ଏବଂ ସୌଖୀନ ସାଇକେଲ ଚାଳକଙ୍କ ମିଶ୍ରଣ ଦେଖିବାକୁ ମିଳିଥିଲା । ଯେଉଁ ଲୋକମାନେ ସ୍ବାସ୍ଥ୍ୟ ସମ୍ବନ୍ଧୀୟ ଅସୁବିଧାକୁ ଭୁଲି ସେମାନେ ନିଜର ସହନଶୀଳତାକୁ ପାଳନ କରିବାର ଏକ ଉପାୟ ଭାବରେ ସାଇକ୍ଲିଂ ମାରାଥନକୁ ଗ୍ରହଣ କରିଥିଲେ । ସେମାନଙ୍କ ଉପସ୍ଥିତି ଜୀବନରେ ପରିବର୍ତ୍ତନ ଆଣିବା ଏବଂ ପ୍ରୋତ୍ସାହିତ କରିବାରେ କ୍ରୀଡ଼ାର ଶକ୍ତିକୁ ପ୍ରମାଣିତ କରିଥିଲା । ତେବେ ଏହି ସାଇକ୍ଲିଂ ମାରାଥନ ରାଉରକେଲା ସାଇକ୍ଲିଂ ଆସୋସିଏସନ ପକ୍ଷରୁ ସ୍ପେସ୍ ଛକଠାରୁ ଭଞ୍ଜ ଭବନ ଯାଏଁ ଏବଂ ଜିଲ୍ଲା ଆଥଲେଟିକ ଆସୋସିଏସନ ପକ୍ଷରୁ ହୋଇଥିବା ସାଇକ୍ଲିଂ ମାରାଥନରେ ରାଉରକେଲା ବିର୍ସା ମୁଣ୍ଡା ହକି ଷ୍ଟାଡିୟମରୁ ଉଦିତ୍ନଗର ଆମ୍ବେଦକର ଛକ ଯାଏଁ ଆୟୋଜନ ହୋଇଥିଲା ।
ଇଟିଭି ଭାରତ, ରାଉରକେଲା
