ରାଉରକେଲା: ସୁନ୍ଦରଗଡ ଜିଲ୍ଲାକୁ ରାଜ୍ୟ ସରକାରଙ୍କ ଦୀପାବଳି ଭେଟି। ଦୀପାବଳି ପୂର୍ବରୁ 'ଆମ ଓଡ଼ିଶା ନବୀନ ଓଡିଶା' ଯୋଜନାରେ ସାମିଲ ହେଲା ସୁନ୍ଦରଗଡ । ଆଜି ସୁନ୍ଦରଗଡ ଜିଲ୍ଲାର ସମସ୍ତ ୧୭ ଗୋଟି ବ୍ଲକ ମାନଙ୍କରେ ୧୩୯ କୋଟି ୫୦ ଲକ୍ଷ ଟଙ୍କା ବ୍ୟୟରେ ୩ ହଜାର ୧୬ ଗୋଟି ବିଭିନ୍ନ ଉନ୍ନୟନ ମୂଳକ ପ୍ରକଳ୍ପ ଗୁଡିକର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡିଓ କନଫରେନସିଂରେ ସୁନ୍ଦରଗଡବାସୀଙ୍କ ଯୋଡି ହୋଇ ଏହି ବ୍ୟୟବରାଦ ନେଇ ଘୋଷଣା କରିଥିଲେ ।
ସୁନ୍ଦରଗଡ଼ ଜିଲ୍ଲାର ହେବ ନୂତନ କାୟାକଳ୍ପ । ସମ୍ପୂର୍ଣ୍ଣ ସୁନ୍ଦରଗଡ଼ ଜିଲ୍ଲାରେ ତିନି ହଜାରରୁ ଅଧିକ ପ୍ରକଳ୍ପର ହୋଇଛି ଶୁଭାରମ୍ଭ । ଆଜି ସୁନ୍ଦରଗଡ ଜିଲ୍ଲା ସ୍ଥିତ ସମସ୍ତ ୧୭ ଗୋଟି ବ୍ଲକ ମାନଙ୍କରେ ୧୩୯ କୋଟି ୫୦ ଲକ୍ଷ ଟଙ୍କା ବ୍ୟୟରେ ୩ ହଜାର ୧୬ ଗୋଟି ବିଭିନ୍ନ ଉନ୍ନୟନ ମୂଳକ ପ୍ରକଳ୍ପ ଗୁଡ଼ିକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭାରମ୍ଭ କରିଛନ୍ତି । ଭିଡିଓ କନଫରେନ୍ସ ମାଧ୍ୟମରେ ଏନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ରାଜ୍ୟ ସରକାରଙ୍କ " ଆମ ଓଡିଶା ନବୀନ ଓଡିଶା" କାର୍ଯ୍ୟକ୍ରମକୁ ମଧ୍ୟ ବିଧିବଦ୍ଧ ଭାବେ ଉଦଘାଟନ କରିଛନ୍ତି ।
ସୁନ୍ଦରଗଡ ଜିଲ୍ଲାର ୧୭ଟି ବ୍ଲକରେ 'ଆମ ଓଡିଶା ନବୀନ ଓଡ଼ିଶା' କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସୁନ୍ଦରଗଡ଼ ଜିଲ୍ଲାର ସମସ୍ତ ବ୍ଲକ ପ୍ରଶାସନ ପକ୍ଷରୁ ଏହା ଆୟୋଜନ ହୋଇଯାଇଛି । ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଜୁ ଜନତା ଦଳର ସୁନ୍ଦରଗଡ ଜିଲ୍ଲା ପର୍ଯ୍ୟବେକ୍ଷକ ତଥା ଗ୍ରାମ୍ୟ ଉନ୍ନୟନ ମନ୍ତ୍ରୀ ପ୍ରୀତିରଞ୍ଜନ ଘୋଡେ଼ଇ ମୂଖ୍ୟ ଅତିଥି ଭାବେ ଯୋଗ ଦେଇଥିଲେ ।
ଏହାମଧ୍ୟ ପଢନ୍ତୁ..ନବୀନ ଓଡିଶାରେ ସାମିଲ ହେଲା ଅନୁଗୋଳ, ଜିଲ୍ଲା ପାଇଁ ବରାଦ ୧୧୨କୋଟି ୫୦ ଲକ୍ଷ
ଏହା ପରେ ପ୍ରଥମେ 5T ଅଧ୍ୟକ୍ଷ ଭି. କେ ପାଣ୍ଡିୟାନ ଭିଡିଓ କନଫରେନ୍ସ ମାଧ୍ୟମରେ ସୁନ୍ଦରଗଡବାସୀଙ୍କ ସହ ଯୋଡି ହୋଇଥିଲେ । ସେ କହିଥିଲେ, "ଚଳିତ ବର୍ଷ ମାର୍ଚ୍ଚ ୧୧ ତାରିଖ ଦିନ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ସୁନ୍ଦରଗଡ ଜିଲ୍ଲା ଗସ୍ତରେ ଆସି ସମସ୍ତ ବ୍ଲକ୍ ରେ ଥିବା ସମସ୍ୟା ବିଷୟରେ ଦରଖାସ୍ତ ଗ୍ରହଣ କରିଥିଲେ । ଏହାର ସମାଧାନ ପାଇଁ ସରକାର ୧୩୯ କୋଟି ୫୦ ଲକ୍ଷ ଟଙ୍କା ବ୍ୟୟରେ ୩ ହଜାର ୧୬ ଗୋଟି ବିଭିନ୍ନ ପ୍ରକାର ପ୍ରକଳ୍ପ ପାଇଁ ସମସ୍ତ ସୁନ୍ଦରଗଡ ଜିଲ୍ଲା ପାଇଁ ପାଣ୍ଠି ଯୋଗାଇ ଦେଇଛନ୍ତି ।"
ପରେ ଏହାକୁ ମୁଖ୍ୟମନ୍ତ୍ରୀ ଶୁଭାରମ୍ଭ କରିଥିଲେ । ସମସ୍ତ ବ୍ଲକ ଜଗନ୍ନାଥ ସଂସ୍କୃତିର ପ୍ରଚାର ଓ ପ୍ରସାର, ମହିଳା ସ୍ବୟଂ ସହାୟକ ଗୋଷ୍ଠୀର ସଶକ୍ତିକରଣ, ବିଜୁ ସ୍ବାସ୍ଥ୍ୟ ଯୋଜନା, ପ୍ରତି ପଞ୍ଚାୟତ ପାଇଁ ଲକ୍ଷ୍ମୀ ବସ ଯୋଜନା, ମିଲେଟ୍ ମିଶନ ଯୋଜନାକୁ ବିଶ୍ଵ ଦରବାରରେ ପରିଚିତ କରାଇବା, ବିଜୁ ସେତୁ ଯୋଜନାରେ ଶତାଧିକ ସେତୁ ନିର୍ମାଣ, ବିଦ୍ୟାଳୟ ଓ ଅଙ୍ଗନୱାଡି କେନ୍ଦ୍ର ରୂପାନ୍ତରିଣ ଯୋଜନା, କ୍ରୀଡାର ବିକାଶ, ସୁନ୍ଦରଗଡ ଜିଲ୍ଲାରେ ସରକାରୀ ମେଡିକାଲ କଲେଜ ସ୍ଥାପିତ, ପାନୀୟ ଜଳ ପାଇଁ ବିଭିନ୍ନ ପ୍ରକଳ୍ପ ଗୁଡ଼ିକ ଜନ ସାଧାରଣଙ୍କ ଉଦ୍ଦେଶ୍ୟରେ କରାଯାଇଥିବା ନେଇ ମୁଖ୍ୟମନ୍ତ୍ରୀ କହିଥିଲେ ।
ଇଟିଭି ଭାରତ, ରାଉରକେଲା
