ସୁନ୍ଦରଗଡ: ଆସନ୍ତା 16 ତାରିଖରେ ମୁଖ୍ୟମନ୍ତ୍ରୀ ସୁନ୍ଦରଗଡ ଜିଲ୍ଲା ଗସ୍ତ କରିବେ । ମୁଖ୍ୟମନ୍ତ୍ରୀଙ୍କ ଏହି କାର୍ଯ୍ୟକ୍ରମ ନେଇ ପଞ୍ଚାୟତରାଜ, ପାନୀୟଜଳ ଓ ଅର୍ବାନ ଡେଭଲପମେଣ୍ଟ ଓ ଆଇନ ମନ୍ତ୍ରୀ ଖୁସି ପ୍ରକଟ କରିଛନ୍ତି। ମୁଖ୍ୟମନ୍ତ୍ରୀ ସେଦିନ କେବଳ ସୁନ୍ଦରଗଡ ଜିଲ୍ଲାକୁ ଗସ୍ତ କରୁନାହାଁନ୍ତି ବରଂ ଜିଲ୍ଲା ପାଇଁ ଅର୍ଥ ସହ ବଭିନ୍ନ ପ୍ରକଳ୍ପର ଭଣ୍ଡାର ନେଇ ଆସୁଥିବା କଥା ସେ କହିଛନ୍ତି ।
ସୁନ୍ଦରଗଡ ଜିଲ୍ଲାକୁ ଓଡିଶାର ଅଗ୍ରଣୀ ଜିଲ୍ଲାରେ ପରିଣତ କରିବା ମୁଖ୍ୟମନ୍ତ୍ରୀଙ୍କ ସ୍ବପ୍ନ ଥିବା ବେଳେ ତାହା ଏବେ ସାକାର ରୂପ ନେବାକୁ ଯାଉଥିବା କଥା ପଞ୍ଚାୟତରାଜ ମନ୍ତ୍ରୀ କହିଛନ୍ତି । ମୁଖ୍ୟମନ୍ତ୍ରୀଙ୍କ ଏହି ଉଦ୍ୟମକୁ ନେଇ ସେ ଖୁସିହେବା ସହ ସୁନ୍ଦରଗଡବାସୀଙ୍କ ସହଯୋଗ କାମନା କରିଛନ୍ତି । ତେବେ ମୁଖ୍ୟମନ୍ତ୍ରୀ ସେଦିନ ସୁନ୍ଦରଗଡବାସୀଙ୍କୁ 5 ହଜାର କୋଟି ଟଙ୍କାର ପ୍ରକଳ୍ପ ଭେଟି ଦେବେ ବୋଲି ମନ୍ତ୍ରୀ କହିଛନ୍ତି ।
4 ହଜାର କୋଟି ଟଙ୍କାର ଫାଉଣ୍ଡେସନ, 240 ଗୋଟି ପ୍ରକଳ୍ପ ଭେଟିଦେବା ସହ 834 କୋଟି ଟଙ୍କାର 186ଟି ପ୍ରକଳ୍ପର ଉଦଘାଟନ କରିବେ ବୋଲି ମନ୍ତ୍ରୀ କହିଛନ୍ତି । ବିକାଶ ଧାରାରେ ସବୁଠୁ ଆଗୁଆ ଜିଲ୍ଲା ଭାବେ ସୁନ୍ଦରଗଡ ପରିଗଣିତ ହେବାର ସ୍ବପ୍ନକୁ ସାକାର କରିବା ନେଇ ସେ ଗଣମାଧ୍ୟମ ଜରିଆରେ ସୁନ୍ଦରଗଡ ଜିଲ୍ଲାବାସୀଙ୍କ ସହଯୋଗ କାମନା କରିଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
