ରାଉରକେଲା: ଦୀର୍ଘ ଦିନ ଧରି ନିଜ ହାତରେ ମହାପ୍ରଭୁଙ୍କ ବିଗ୍ରହ ନିର୍ମାଣ କରିଆସୁଛନ୍ତି ଏକ ପରିବାର । ରାଉରକେଲା ସେକ୍ଟର ୬ ରେ ସମ୍ପୂର୍ଣ୍ଣ ପରିବାର ମିଶି ନିଷ୍ଠାର ସହ କରୁଛନ୍ତି କାମ। କାଠରେ ମହାପ୍ରଭୁଙ୍କ ବିଗ୍ରହର କାର୍ଯ୍ୟ ସହ ସମ୍ପୂର୍ଣ୍ଣ ସୂକ୍ଷ୍ମ ଭାବରେ ଅନ୍ୟାନ୍ୟ କାର୍ଯ୍ୟ କରାଯାଇଥାଏ । ମହାପ୍ରଭୁଙ୍କୁ ସୁନ୍ଦର ଆକାର ଦେଇ ଗଢି ତୋଳିବା କାର୍ଯ୍ୟରେ ଲାଗିପଡିଥାନ୍ତି ସମ୍ପୂର୍ଣ୍ଣ ପରିବାର । ମହାପ୍ରଭୁଙ୍କ ପବିତ୍ର କାମ କରିବା ପାଇଁ ଆଗେଇ ଆସି ଆଜକୁ 28 ବର୍ଷ ଧରି ନିରନ୍ତର ଭାବରେ ଠାକୁରଙ୍କ ପାଇଁ ସମର୍ପିତ ସପରିବାର । ରାଉରକେଲା ସେକ୍ଟର-୬ରେ ରହୁଥିବା ସୁତାର ପରିବାର ପ୍ରତିବର୍ଷ ମହାପ୍ରଭୁଙ୍କ କାମରେ ଲାଗିପଡିଥାଆନ୍ତି ।
କାଠକଟା ଏବଂ ସାଇଜ କରାଯାଇ ଛୋଟରୁ ଆରମ୍ଭ କରି ବଡ଼ ପର୍ଯ୍ୟନ୍ତ ସବୁ ପ୍ରକାର ବିଗ୍ରହକୁ ନିଜ ଘରେ ନିର୍ମାଣ କରିଥାନ୍ତି ଏହି ପରିବାର । ମହାପ୍ରଭୁ ଜଗନ୍ନାଥଙ୍କ ଭବ୍ୟ ବିଗ୍ରହ ତିଆରି କରିବା ପାଇଁ ପୁରା ପରିବାର ନିଜ ସମୟ ଏବଂ କାରିଗରକୁ ନିୟୋଜିତ କରିଛନ୍ତି । ନିଜ କଷ୍ଟସାଧ୍ୟ ଉଦ୍ୟମ ବଳରେ ସେମାନେ ଦେବତାଙ୍କୁ ତିଆରି କରିବା ସହ ମହାପ୍ରଭୁ ଜଗନ୍ନାଥଙ୍କ ବେଶଭୁଷା ପାଇଁ ଅତି ସୂକ୍ଷ୍ମ ଅଳଙ୍କାରକୁ ମଧ୍ୟ ଅତି ସୁନ୍ଦର ଭାବେ ପ୍ରସ୍ତୁତ କରିଛନ୍ତି । ଗଭୀର ଭକ୍ତିରେ ପରିଚାଳିତ ହୋଇ ଏହି ବିନମ୍ର ପରିବାର ପୂଜ୍ୟ ଦେବତାଙ୍କ ପାଇଁ ନିଜକୁ ସମର୍ପିତ କରି ଖୁବ ସୁନ୍ଦର ଯାତ୍ରା ଆରମ୍ଭ କରିଛନ୍ତି ।
ମହାପ୍ରଭୁଙ୍କ ବିଗ୍ରହକୁ ସୁସଜ୍ଜିତ କରିବାକୁ ସୂକ୍ଷ୍ମ ସାମଗ୍ରୀମାନ ବ୍ୟବହୃତ କରାଯାଇ ଖୁବ ସୁନ୍ଦର ଭାବରେ ତିଆରି କରାଯାଇଛି ଅଳଙ୍କାର । ଶ୍ରୀଜଗନ୍ନାଥଙ୍କ ପାଇଁ ପରିବାର ବହୁ ବର୍ଷ ତଳେ ଏହି ରଥନିର୍ମାଣ କାର୍ଯ୍ୟ ଆରମ୍ଭ କରିଥିଲେ । ପ୍ରଥମେ ସେମାନେ ଉଚ୍ଚମାନର କାଠ ସଂଗ୍ରହ କରିଥାଆନ୍ତି ଏବଂ ମହାପ୍ରଭୁଙ୍କ ଖୋଦେଇର ସୂକ୍ଷ୍ମ ପ୍ରକ୍ରିୟା ଆରମ୍ଭ କରିଥାଆନ୍ତି । ମୁଖମଣ୍ଡଳଠାରୁ ଆରମ୍ଭ କରି ହାତ ପାଦ ପର୍ଯ୍ୟନ୍ତ ପ୍ରତିଟି ବିବରଣୀ ମହାପ୍ରଭୁ ଶ୍ରୀଜଗନ୍ନାଥଙ୍କ ସାର ଓ ଦିବ୍ୟତ୍ୱକୁ ପ୍ରତିଫଳିତ କରିବା ପାଇଁ କଷ୍ଟସାଧ୍ୟ ଥିବା ସତ୍ତ୍ୱେ କାର୍ଯ୍ୟ ନିରନ୍ତର କାର୍ଯ୍ୟ କରିଥାଆନ୍ତି ପରିବାରବର୍ଗ ।
ମହାପ୍ରଭୁଙ୍କ ବିଗ୍ରହ ନିର୍ମାଣ କାର୍ଯ୍ୟରେ ନିମ୍ବ କାଠ ବ୍ୟବହାର କରାଯାଇଥାଏ । ଏମାନଙ୍କ ଦ୍ବାରା ନିର୍ମିତ ମହାପ୍ରଭୁ ବଳଭଦ୍ର, ସୁଭଦ୍ରା ଏବଂ ଶ୍ରୀଜଗନ୍ନାଥଙ୍କ ବିଗ୍ରହ ଦେଖିଲେ ଖୁବ ସୁନ୍ଦର ହୋଇଥାଏ । ତେବେ କରୁଣାକର ସୁତାରଙ୍କ ସହ ତାଙ୍କର ସପରିବାର ପୁଅ, ବୋହୁ, ସ୍ତ୍ରୀ ଏବଂ କେତେକ କାରିଗରଙ୍କୁ ନେଇ ଚାଲିଛି ଏହି କାର୍ଯ୍ୟ । ସମ୍ପୂର୍ଣ୍ଣ ଭକ୍ତିମୟ ପରିବେଶରେ ମହାପ୍ରଭୁଙ୍କ ବିଗ୍ରହ ନିର୍ମାଣ ଓ ସାଜସଜ୍ଜା ପରେ ବିଭିନ୍ନ ମନ୍ଦିରକୁ ଦିଆଯାଇଥାଏ ଏବଂ ବିକ୍ରି ପାଇଁ ମଧ୍ୟ ପଠାଯାଇଥାଏ ।
ସେମାନେ ଅତି ଯତ୍ନର ସହ ହାତରେ ହାତ ମିଶାଇ ବିଭିନ୍ନ ପ୍ରକାରର ପାରମ୍ପରିକ ତଥା ଅଳଙ୍କୃତ ପୋଷାକ ପ୍ରସ୍ତୁତ କରିଥାଆନ୍ତି। ପରିବାରର କଳାତ୍ମକ ପ୍ରତିଭା କେବଳ ଦେବତାଙ୍କ ଶାରୀରିକ ରୂପରେ ନୁହେଁ ବରଂ ସେମାନେ ତିଆରି କରିଥିବା ଜଟିଳ ଅଳଙ୍କାରରେ ମଧ୍ୟ ଚମକି ଉଠେ । ସେମାନେ ମହାପ୍ରଭୁଙ୍କ ଅଳଙ୍କାର ପାଇଁ ମୁକୁଟ, ହାର, ଅଙ୍କୁଶ ସମେତ ଅନେକ ଅପୂର୍ବ ଅଳଙ୍କାର ନିର୍ମାଣ କରିଛନ୍ତି । ମହାପ୍ରଭୁ ଶ୍ରୀଜଗନ୍ନାଥଙ୍କୁ ସୁନ୍ଦର ଅଳଙ୍କାରରେ ସଜ୍ଜିତ କରିବାରେ ସୌଭାଗ୍ୟ ଅର୍ଜନ କରି ସେମାନେ ଖୁସି ବ୍ୟକ୍ତ କରିଛନ୍ତି । ପିଲାଙ୍କ ସମେତ ପରିବାରର ସଦସ୍ୟମାନେ ଏହି ସମସ୍ତ ପ୍ରକ୍ରିୟା ମଧ୍ୟରେ ପ୍ରାର୍ଥନା ଓ ଧ୍ୟାନରେ ନିଜକୁ ମଗ୍ନ ରଖି ବିଗ୍ରହ ନିର୍ମାଣରେ ନିଜକୁ ବ୍ୟସ୍ତ ରଖିଥାନ୍ତି । ମହାପ୍ରଭୁଙ୍କ ମୂର୍ତ୍ତି ନିର୍ମାଣ ପରେ ବିଗ୍ରହର ସୌନ୍ଦର୍ଯ୍ୟ ମଧ୍ୟରେ ସେମାନଙ୍କର କଠିନ ପରିଶ୍ରମର ଝଲକ ଦେଖିବାକୁ ମିଳେ ।
ଇଟିଭି ଭାରତ, ରାଉରକେଲା
