ସୁନ୍ଦରଗଡ: ଆମ୍ବ ଗଛରୁ ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଆଁରମୁଣ୍ଡା ବ୍ଲକ ଝୁନମୁର ପଞ୍ଚାୟତର କାଜୁ ବଗିଚାରେ ଯୁବକଙ୍କ ଝୁଲନ୍ତା ମୃତଦେହ ଠାବ ହୋଇଥିବାବେଳେ ଆତ୍ମହତ୍ୟା ସନ୍ଦେହ କରାଯାଉଛି ।
ମୃତ ଯୁବକ ଜଣକ ହେଲେ ରାଏବୋଗା ଥାନା ଅନ୍ତର୍ଗତ ପ୍ରନମପୁର ଗ୍ରାମର ସୁମନ କେର୍କେଟ । ଆଜି(ବୁଧବାର) ସକାଳୁ କିଛି ଗ୍ରାମବାସୀ କାଜୁ ବଗିଚାକୁ ଜାଳେଣି କାଠ ସଂଗ୍ରହ କରିବାକୁ ଯାଇଥିବାବେଳେ ତାଙ୍କ ନଜରରେ ଏହି ଘଟଣା ପଡିଥିଲା ।
ଏନେଇ ସେମାନେ ରାଏବୋଗା ଥାନାକୁ ଖବର ଦେଇଥିଲେ । ରାଏବୋଗା ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚିବା ସହ ଉକ୍ତ ଯୁବକର ପରିଚୟ ବିଷୟରେ ଜାଣି ମୃତକଙ୍କ ପରିବାରକୁ ଖବର ଦେଇଥିଲା । ତେବେ ଆତ୍ମହତ୍ୟାର କାରଣ ଅସ୍ପଷ୍ଟ ଥିବାବେଳେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ୟବଚ୍ଛେଦ ପାଇଁ ପଠାଇଛି ।
ସୂଚନା ଥାଉକି, ମୃତ ଯୁବକ ଗତ ଶନିବାର ଠାରୁ ତାଙ୍କ ଘରୁ କେଉଁଆଡେ ଚାଲି ଯାଇଥିଲେ । ତେବେ ସେ ପୂର୍ବରୁ ମଧ୍ୟ କେତେଥର ଆତ୍ମହତ୍ୟା ଉଦ୍ୟମ କରିଥିଲେ ବୋଲି ତାଙ୍କ ପରିବାର ଲୋକେ ପୋଲିସ ନିକଟରେ ପ୍ରକାଶ କରିଛନ୍ତି । ପୋଲିସ ପୋଷ୍ଟମୋର୍ଟମ ରିପୋର୍ଟ ଆସିବା ପରେ ମୃତ୍ୟୁର କାରଣ ସ୍ପଷ୍ଟ ହୋବ ବୋଲି କହିଛି ।
ସୁନ୍ଦରଗଡରୁ ହରିହର ଦାସମହାପାତ୍ର, ଇଟିଭି ଭାରତ
