ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ସିଂଘିଯୁବା ଗାଁ ଛକ ନିକଟରେ ଏକ ସିମେଣ୍ଟ ବୋଝେଇ ଟ୍ରକରେ ନିଆଁ ଲାଗିଯାଇଥିବାରୁ ଅଳ୍ପକେ ବର୍ତ୍ତିଯାଇଛନ୍ତି ଡ୍ରାଇଭର ଓ ହେଲପର ।
ସର୍ଟ ସର୍କିଟ ହୋଇ ଜଳିଗଲା ଟ୍ରକ; ଅଳ୍ପକେ ବର୍ତିଲେ ଡ୍ରାଇଭର- ହେଲ୍ପର
ଗତକାଲି ବିଳମ୍ବିତ ରାତିରେ ରାଜଗାଙ୍ଗପୁରରୁ ବଲାଙ୍ଗିର ଯାଉଥିବା ଏକ ସିମେଣ୍ଟ ବୋଝେଇ ଟ୍ରକରେ ସିଂଘିଯୁବା ଛକ ନିକଟରେ ହଠାତ ନିଆଁ ଲାଗି ଯିବାରୁ ଟ୍ରକଟି ସଂମ୍ପୁର୍ଣ୍ଣ ପୋଡି ନଷ୍ଟ ହୋଇଯାଇଛି । ଗାଡ଼ିରେ ନିଆଁ ଲାଗିଯିବା ଦେଖି ଡ୍ରାଇଭର ଓ ହେଲପର ଗାଡିରୁ ଡେଇଁ ପଡିବା ଫଳରେ ଅଳ୍ପକେ ବର୍ତ୍ତି ଯାଇଛନ୍ତି । ନିଆଁ ସଟ ସର୍କିଟ ଯୋଗୁଁ ଲାଗିଥାଏ ପାରେ ବୋଲି ସନ୍ଦେହ କରାଯାଉଛି ।
ଘଟଣାସ୍ଥଳରେ ବିନିକା ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ଟ୍ରକଟି ସଂମ୍ପୁର୍ଣ୍ଣ ପୋଡି ଯାଇଛି । ପରେ ବିନିକା ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ଅନୁସନ୍ଧାନ ଜାରି ରଖିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
