ସୁବର୍ଣ୍ଣପୁର: ବିପୁଳ ପରିମାଣରେ କଫ ସିରଫ ଜବତ । ସହରରେ ବୁଲି ବୁଲି କଫ ସିରଫ ବିକ୍ରି କରୁଥିବା ସମୟରେ ସଦର ପୋଲିସ ତିନି ଜଣ ବେପାରୀଙ୍କୁ ଗିରଫ କରିଛି ।
ଜିଲ୍ଲା ଏସପି ଦେବୀ ପ୍ରସାଦ ଦାସଙ୍କ ନିର୍ଦ୍ଦେଶରେ ଟାଉନ ଥାନା ପୋଲିସ ସହରର ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ଟାଉନ ଥାନା ଅଧିକାରୀ ଲୋକେଶ ବିଶ୍ବାଳଙ୍କ ନେତୃତ୍ବରେ ଏକ ପୋଲିସ ଦଳ ବେପାରୀଙ୍କ ଉପରେ କଡା ନଜର ରଖିଥିଲା । ଆଜି ସହରର ପାତଭାଡ଼ି , ବସଷ୍ଟାଣ୍ଡ ଓ ବ୍ଲକ ଛକର ବିଭିନ୍ନ ଯାଗାରେ ଚଢ଼ାଉ କରି ବିପୁଳ ପରିମାଣର କଫ ସିରଫ ଜବତ କରିବାରେ ସଫଳ ହୋଇଛି ।
ବିପୁଳ ପରିମାଣରେ କଫ ସିରଫ ଜବତ
କଫ ସିରଫ ବିକ୍ରି କରୁଥିବା ଅଭିଯୋଗରେ ସହରର ଚମାର ପଡାର କହ୍ନେଇ ଉଗେର , ବଡବଜରର ନରସିଂହ ଭୁଏ ଓ ଧୀବର ପଡାର ଧ୍ରୁଵ ମହଲାକୁ ପୋଲିସ ଗିରଫ କରିଛି । ଗିରଫ ଅଭିଯୁକ୍ତଙ୍କୁ ପୋଲିସ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
