ସୁବର୍ଣ୍ଣପୁର: ଏସପିଙ୍କ ଗାଡି ଦୁର୍ଘଟଣା ଘଟଣା । ସୁସ୍ଥ ଅଛନ୍ତି ଏସପି ଦେବୀ ପ୍ରସାଦ ଦାସ । ଏବେ ସେ ନିଜ ବାସଭବନରେ ବିଶ୍ରାମ ନେଉଥିବା ଜଣାପଡିଛି ।
ସୁବର୍ଣ୍ଣପୁର ଏସପିଙ୍କ ଗାଡି ଦୁର୍ଘଟଣା, ସୁସ୍ଥ ଅଛନ୍ତି ଦେବୀ ପ୍ରସାଦ
ସୁବର୍ଣ୍ଣପୁର ସମ୍ବଲପୁର ରାଜ୍ୟ ରାଜପଥରେ ସିଂଢୋଲକୁ ଯାଉଥିବା ସମୟରେ ତାଙ୍କ ଗାଡି ଦୁର୍ଘଟଣାଗ୍ରସ୍ତ ହୋଇଥିଲା । ରାସ୍ତା ଉପରକୁ ଏକ ଗାଈ ଆସିଯିବାଫଳରେ ଗାଡି ଭାରସ୍ୟାମ ହରାଇ ରାସ୍ତାକଡକୁ ଓଲଟି ପଡିଥିଲା । ଫଳରେ ଏସପିଙ୍କ ସମେତ ଡ୍ରାଇଭର ଓ ସୁରକ୍ଷାକର୍ମୀ ମଧ୍ୟ ଆହତ ହୋଇଥିଲେ ।
ତେବେ ଦୁର୍ଘଟଣା ପରେ ଜିଲ୍ଲା ମୁଖ୍ୟଚିକିତ୍ସାଳୟରେ ଭର୍ତ୍ତି ହୋଇଥିଲେ ଏସପି । ସେଠାରେ ପ୍ରାଥମିକ ଚିକିତ୍ସା ପରେ ସେ ନିଜ ବାସଭବନକୁ ଫେରିଥିବା ସୂଚନା ମିଳିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
