ସୁବର୍ଣ୍ଣପୁର: ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଲକଡାଉନକୁ କଡାକଡି କରାଯାଇଛି । କୋରୋନା ସଂକ୍ରମଣ ରୋକିବାକୁ ମାସ୍କ ବାଧ୍ୟତାମୂଳକ କରାଯାଇଥିବା ବେଳେ ଅନେକ ଏହାକୁ ମାନୁ ନଥିବାରୁ ପ୍ରଶାସନ ପକ୍ଷରୁ ଫାଇନ ଆଦାୟ କରାଯାଇଛି ।ଏପ୍ରିଲ 9ରୁ ଶୁକ୍ରବାର ପର୍ଯ୍ୟନ୍ତ ଜିଲ୍ଲାର 1590 ଜଣଙ୍କ ଠାରୁ ମୋଟ 3 ଲକ୍ଷ 18 ହଜାର ଟଙ୍କା ଫାଇନ ଆଦାୟ କରାଯାଇଛି । ଏନେଇ ଜିଲ୍ଲା ଆରକ୍ଷୀ ଅଧୀକ୍ଷକ ସୂଚନା ଦେଇଛନ୍ତି । ଏହାସହ ସମସ୍ତଙ୍କୁ ମାସ୍କ ପରିଧାନ କରିବାକୁ ସେ ଅନୁରୋଧ କରିଛନ୍ତି ।
ଜିଲ୍ଲାରେ ଅତ୍ୟାବଶ୍ୟକ ସାମଗ୍ରୀ ପାଇଁ ଲୋକେ ଘରୁ ବାହାରୁଛନ୍ତି । ହେଲେ ଅନେକ ଯିବା ଆସିବା ସମୟରେ ମାସ୍କ ପରିଧାନ କରୁ ନ ଥିବା ଦେଖିବାକୁ ମିଳୁଛି । ତେଣୁ ପୋଲିସ ରାଜସ୍ବ ଅଧିକାରୀ ଓ ପୌରପରିଷଦ କର୍ମଚାରୀଙ୍କ ସହଯୋଗରେ ମାସ୍କ ପିନ୍ଧୁ ନ ଥିବା ଲୋକଙ୍କ ପାଖରୁ ଫାଇନ କାଟୁଛନ୍ତି ।
ସୂଚନାଯୋଗ୍ୟ, ରାଜ୍ୟ ସରକାର ସଂକ୍ରମଣ ରୋକିବାକୁ ଏପ୍ରିଲ 9 ତାରିଖ ଠାରୁ ରାଜ୍ୟରେ ମାସ୍କ ବାଧ୍ୟତାମୂଳକ କରିଛନ୍ତି । ମାସ୍କ ପିନ୍ଧିନଥିଲେ ଅତିକମରେ 500ଶହ ଟଙ୍କାର ଫାଇନ ଆଦାୟ କରାଯାଉଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
