ସୁବର୍ଣ୍ଣପୁର: ଗୁଜୁରାଟର ସୁରଟରୁ ଶ୍ରମିକଙ୍କୁ ଧରି ଓଡିଶା ଫେରିଛି ୪ଟି ବସ । ଖବର ଅନୁସାରେ ବସଗୁଡିକ ସୁବର୍ଣ୍ଣପୁର ସହର ଦେଇ ଯାଇଛି । ଗଞ୍ଜାମ ଜିଲ୍ଲାପାଳଙ୍କ ଅନୁମତି ପରେ ପ୍ରାୟ ୨୦୦ ଶ୍ରମିକ ନିଜ ଜିଲ୍ଲାକୁ ଫେରିଛନ୍ତି ।
ଏମାନେ ସୁରଟରୁ ବାହାରିବା ପରେ ଛତିଶଗଡର ରାୟପୁର ଦେଇ ଓଡିଶା ସୀମାରେ ପ୍ରବେଶ କରିଥିଲେ । ନୂଆପଡା, ସୁବର୍ଣ୍ଣପୁର ଓ ବୌଦ୍ଧ ଜିଲ୍ଲା ଦେଇ ନିଜ ନିଜ ଜିଲ୍ଲାରେ ଏମାନେ ପହଞ୍ଚିଛନ୍ତି । ରାତି ପାଖାପାଖି ୧୦ଟାରୁ ୧୧ଟା ମଧ୍ୟରେ ଗଞ୍ଜାମ ଜିଲ୍ଲାର ଧରାକୋଟ ଓ ସେରଗଡ କ୍ବାରେଣ୍ଟାଇନ ସେଣ୍ଟରରେ ପହଞ୍ଚିଥିବା ନେଇ ସୂଚନା ମିଳିଛି ।
ପୋଲିସ ପେଟ୍ରୋଲିଂ ଦେଇ 4ଟି ବସ ସୁବର୍ଣ୍ଣପୁର ଓ ବୌଦ୍ଧ ସୀମାରେ ଛାଡି ଦେଇଥିଲା । ପରେ ବୌଦ୍ଧ ପୋଲିସ ବସଗୁଡିକୁ ସୁରକ୍ଷା ଦେଇ ନେଇଥିବା ଜଣାପଡିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
