ସୁବର୍ଣ୍ଣପୁର: ଓଡିଶା ୟୁନିଅନ ଅଫ ଜର୍ଣ୍ଣାଲିଷ୍ଟର ରାଜ୍ୟ ସଭାପତି ପ୍ରଶନ୍ନ ମହାନ୍ତି ଆଜି ସୁବର୍ଣ୍ଣପୁର ଜିଲ୍ଲା ଗସ୍ତରେ ଆସି ଜିଲ୍ଲା ଶାଖାର କର୍ମକର୍ତ୍ତାଙ୍କ ସହ ଆଲୋଚନା କରିଛନ୍ତି । ଜିଲ୍ଲାରେ ଥିବା ସମସ୍ତ ସାମ୍ବାଦିକଙ୍କ ସୁରକ୍ଷା ସହ ରାଜ୍ୟରେ ବିଭିନ୍ନ ସମୟରେ ହେଉଥିବା ସାମ୍ବାଦିକମାନଙ୍କୁ ଆକ୍ରମଣର ସେ ନିନ୍ଦା କରିଛନ୍ତି।
ସାମ୍ବାଦିକଙ୍କ ସୁରକ୍ଷା ପାଇଁ ସରକାର ଏକ ବିଲ୍ ଆଣନ୍ତୁ ବୋଲି ଦାବି କରିଛନ୍ତି । ତାସହ ସାମ୍ବାଦିକମାନଙ୍କ ସାମାଜିକ ସୁରକ୍ଷା, ଅନ୍ୟ ରାଜ୍ୟ ପରି ପେନସନ ଯୋଜନା, ସ୍ବାସ୍ଥ୍ୟ ବୀମା ଯୋଜନାର ପରିସର ବ୍ୟାପକ କରିବାକୁ ରାଜ୍ୟ ସରକାରଙ୍କୁ ଦାବି ଜଣାଯାଇଥିବା ସେ କହିଛନ୍ତି ।
ଆଗାମୀ ବିଧାନସଭାରେ ସଂଘ ପକ୍ଷରୁ ଏହି ବିଲ ପାଇଁ ଦାବି ରହିବ ବୋଲି କହିଛନ୍ତି । ଏହି ସଭାରେ ରାଜ୍ୟ ସାଧାରଣ ସମ୍ପାଦକ ଅଶୋକ ନନ୍ଦ, କୋଷାଧ୍ୟକ୍ଷ ଅମୁଲ୍ୟ ସ୍ୱାଇଁ, ଆଚାର୍ଯ୍ୟ ବିଶ୍ୱରଞ୍ଜନଙ୍କ ସହ ଜିଲ୍ଲା ୟୁନିଟର ସଭାପତି ସନ୍ତୋଷ କୁମାର ମିଶ୍ର ପ୍ରମୁଖ ଉପସ୍ଥିତ ରହି ଆଲୋଚନାରେ ଭାଗ ନେଇଥିଲେ । ଆଗାମି ଦିନରେ ଜିଲ୍ଲା ୟୁନିଟକୁ ସୁଦୃଢ କରିବାକୁ ରାଜ୍ୟ ନେତୃବର୍ଗ ପରାମର୍ଶ ଦେଇଥିଲେ ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
