ସୁବର୍ଣ୍ଣପୁର: ଜ଼ିଲ୍ଲା ଉନ୍ନୟନ ପ୍ରଦର୍ଶନୀ, ପଲ୍ଲିଶ୍ରୀ ମେଳା ଓ ନୃତ୍ୟ ଗୀତର ମହାପାର୍ବଣ ସୁବର୍ଣ୍ଣ ଲୋକ ମହୋତ୍ସବ 2023 ଉଦଘାଟିତ ହୋଇ ଯାଇଛି l ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଓଡିଶା, ଜ଼ିଲ୍ଲା ସଂସ୍କୃତି ପରିଷଦ ଓ ଜ଼ିଲ୍ଲା କଳା ସଂସ୍କୃତି ସଂଘ ସୁବର୍ଣ୍ଣପୁର ଦ୍ୱାରା ରାମେଶ୍ୱର ଷ୍ଟାଡିଅମଠାରେ ବର୍ଣ୍ଣାଢ୍ୟ ପରିବେଶରେ ଆୟୋଜିତ ଏହି ଉତ୍ସବକୁ ଗତକାଲି ସନ୍ଧ୍ୟାରେ ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ, ପୂର୍ବତନ ମନ୍ତ୍ରୀ ପଦ୍ମନାଭ ବେହେରା, ଜ଼ିଲ୍ଲାପାଳ ଅବୋଲି ସୁନିଲ ନରୱାଣେ ଉଦଘାଟନ କରିଥିଲେ l
ମୁଖ୍ୟ ଅତିଥି ମନ୍ତ୍ରୀ ନିରଞ୍ଜନ ପୂଜାରୀ ଏହି ମହୋତ୍ସଵର ନୂଆଁ ପଡିଆ ଓ ସହରକୁ ଆହୁରି ସୁନ୍ଦର କରିବା ପାଇଁ ଦୃଢ଼ ସଂକଳ୍ପ ନେଇ ଜ଼ିଲ୍ଲାର ବେକାର ଯୁବକ ଯୁବତୀଙ୍କୁ ଆତ୍ମ ନିଯୁକ୍ତିର ସୁଯୋଗ ପାଇଁ ବିଭିନ୍ନ ସରକାରୀ ସଂସ୍ଥା ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି ବୋଲି ମତ ରଖିଥିଲେ l ଅତିଥି ବିଧାୟକ ପଦ୍ମନାଭ ବେହେରା ସୋନପୁରକୁ ସୁବର୍ଣ୍ଣପୁର ଭାବରେ ଗଢିବାକୁ ଆପଣ ମାନଙ୍କ ଯେଭଳି ସହଯୋଗ ରହିଥିଲା ଆଗକୁ ଏହାର ଅଭିବୃଦ୍ଧି ପାଇଁ ଆପଣଙ୍କଙ୍କ ସହଯୋଗ ଓ ସମନ୍ୱୟ ଜାରି ରଖିବାକୁ ନିବେଦନ କରିଥିଲେ । ସଭାରେ ସମସ୍ତ ଅତିଥିଙ୍କ ଦ୍ୱାରା ଉତ୍ସବର ସ୍ମରଣିକା ଉନ୍ମୋଚନ କରାଯାଇଥିଲା l
ଏହା ମଧ୍ୟ ପଢନ୍ତୁ: ଏମିତି ଏକ ଗାଁ: 5G ଯୁଗରେ ଖୋଜାପଡିଛି ନେଟୱର୍କ, ଗାଁକୁ ଝିଅ ଦେଉନାହାନ୍ତି ଲୋକେ
ଓଡିଶାର ସୁନାମଧନ୍ୟ କଳାକାରଙ୍କ ଓଡିଶୀ ନୃତ୍ୟ ଏବଂ ଏହି ସାଂସ୍କୃତିକ କାର୍ଯ୍ୟକ୍ରମର ଫକୀର ପଟ୍ଟନାୟକ ମଞ୍ଚରେ ବଲିଉଡ ଓ ଓଲିଉଡ଼ ସିଙ୍ଗର ଅଭିଜିତ ମଜୁମଦାର, ମୁନ ମୁନ ସିଂ, ଅର୍ପିତା ଚୌଧୁରି, ସଂଜୁ ମହାନ୍ତିଙ୍କ ଦ୍ୱାରା ସଂଗୀତ ଓ ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରାଯାଇଥିଲା l ଯାହାକି ବିଳମ୍ବିତ ରାତି ଯାଏଁ ଦର୍ଶକଙ୍କୁ ବାନ୍ଧି ରଖିପାରିଥିଲା ।
ସକାଳେ ସୁବର୍ଣ୍ଣପୁରର ଅଧିଷ୍ଠାତ୍ରୀ ଦେବୀ ମା' ସୁରେଶ୍ୱରୀଙ୍କ ଠାରେ ପୂଜାର୍ଚ୍ଚନା ଓ ମାଙ୍କୁ ଆହ୍ୱାନ ପରେ ଜିଲ୍ଲାର ବିଭିନ୍ନ ଅଞ୍ଚଳର ଶହ ଶହ କଳାକାରଙ୍କୁ ନେଇ ସୁବର୍ଣ୍ଣ ଲୋକ ମହୋତ୍ସବ 2023 ଉଦଘାଟନ ପାଇଁ ଏକ ବିଶାଳ ସାଂସ୍କୃତିକ ଶୋଭାଯାତ୍ରା ମାଙ୍କ ମନ୍ଦିରରୁ ବାହାରି ସହର ପରିକ୍ରମା କରିଥିଲା l ଦିନ 11ଟା ବେଳେ ମହୋତ୍ସବର ଷ୍ଟାଡିଅମର ଫକୀର ପଟ୍ଟନାୟକ ମଞ୍ଚରେ ପୂଜାର୍ଚ୍ଚନା ହୋଇଥିଲା । ଏସପି ଅମରେଶ ପଣ୍ଡା, ଏଡିଏମ ସୂର୍ଯ୍ୟ ନାରାୟଣ ଦାଶ, ନିହାର ରଞ୍ଜନ କଅଁର, ସମାଜସେବୀ ଶ୍ରୀବତ୍ସ ମଲ୍ଲିକଙ୍କ ସମେତ ଜ଼ିଲ୍ଲାର ସମସ୍ତ ପଦାଧିକାରୀ, ବୁଦ୍ଧିଜୀବୀ, ସମାଜସେବୀ ଓ ଜନସାଧାରଣ ଯୋଗ ଦେଇଥିଲେ l
ଇଟିଭି ଭାରତ, ସୁବର୍ଣ୍ଣପୁର
