ସୁବର୍ଣ୍ଣପୁର: ଜିଲ୍ଲା ସୁବଳୟା ଥାନା ଅନ୍ତର୍ଗତ ସାନକିରାସିରା ଗାଁରେ ଗ୍ୟାସ ଟାଙ୍କି ବିସ୍ଫୋରଣରେ ଜଣଙ୍କର ମୃତ୍ୟୁ ହୋଇଛି । ଏଥି ସହ ୨ ବଖରା ଘର ଜଳି ନଷ୍ଟ ହୋଇଛି । ଗାଁର ସିନୁ ପ୍ରଧାନ ଘରେ ଏକା ଥିବାବେଳେ ଗ୍ୟାସ ବ୍ୟବହାର କରି ରୋଷେଇ କରୁଥିଲେ । ତେବେ କୌଣସି କାରଣରୁ ହଠାତ ଗ୍ୟାସ ଟାଙ୍କି ବିସ୍ଫୋରଣରୁ ହୋଇଥିଲା ।
ଫାଟିଲା ଗ୍ୟାସ ଟାଙ୍କି, ଜଣେ ମୃତ
ଏଥି ସହ ତାଙ୍କ ଘର ଆଗାରେ ଥିବା ଦୋକାନ ନିଆଁ ଲାଗିଥିଲା । ଫଳରେ ୨ ବଖରା ଘର ସମ୍ପୁର୍ଣ୍ଣଭାବେ ପୋଡି ଯାଇଛି । ଘର ଭିତରେ ଚାପି ହୋଇ ସିନୁଙ୍କ ମୃତ୍ୟୁ ହୋଇଛି । ଖବର ପାଇ ବିରମହାରାଜପୁର ଦମକଳ ବିଭାଗ ଘଟଣା ସ୍ଥଳରେ ପହଞ୍ଚି ନିଆାଁକୁ ଲିଭାଇବା ସହ ମୃତ ଦେହକୁ ଉଦ୍ଧାର କରିଛି । ଘଟଣା ସ୍ଥଳରେ ସୁବଳୟା ପୋଲିସ ପହଞ୍ଚି ଅଧିକ ଅନୁସନ୍ଧାନ କରୁଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
