ସୁବର୍ଣ୍ଣପୁର: କୁଲର ଚଲଉଥିବାବେଳେ ବିଦ୍ୟୁତ ଆଘାତରେ କୁମରକେଲି ଗାଁର ଅନୁରୀ ସୁରୁଜାଲଙ୍କ ମୃତ୍ୟୁ ହୋଇଥିଲା । ଏନେଇ ମଙ୍ଗଳବାର ଶ୍ବଶୁର ଘର ଲୋକ ବୀରମହାରାଜପୁର ଥାନାରେ ଲିଖିତ ଭାବେ ଜଣାଇଥିଲେ । କିନ୍ତୁ ଅନୁରୀଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ଅଭିଯୋଗ ଆଣି ମୃତଦେହକୁ ରାସ୍ତାରେ ରଖି ପ୍ରତିବାଦ କରିଛନ୍ତି ପରିବାର ଲୋକେ ।
ସୂଚନା ଅନୁସାରେ, ଗତ ମଙ୍ଗଳବାର କୁଲର ଚଲଉଥିବାବେଳେ ବିଦ୍ୟୁତ ଆଘାତରେ ଅନୁରୀ ସୁରୁଜାଲଙ୍କ ମୃତ୍ୟୁ ହୋଇଥିବା ନେଇ ତାଙ୍କ ଶ୍ବଶୁରଘର ଲୋକ ବୀରମହାରାଜପୁର ଥାନାରେ ଲିଖିତ ଭାବେ ଜଣାଇଥିଲେ । ହେଲେ ଅନୁରୀଙ୍କ ମୃତ୍ୟୁ ବିଦ୍ୟୁତ ଆଘାତରେ ନୁହେଁ ବରଂ ତାଙ୍କୁ ଯୋଜନାବଦ୍ଧ ଭାବେ ତାଙ୍କ ସ୍ୱାମୀ ଓ ଶାଶୁଘର ଲୋକ ହତ୍ୟା କରିଥିବା ନେଇ ଅଭିଯୋଗ କରିଛନ୍ତି ବାପଘର ଲୋକ ।
ଏହାକୁ ନେଇ ଅନୁରୀଙ୍କ ମୃତଦେହ ବ୍ୟବଚ୍ଛେଦ ପରେ ବୀରମହାରାଜପୁର-ସୋନପୁର ରାସ୍ତାର ଭଜବଳପୁର ଛକରେ ମୃତଦେହ ରଖି ରାସ୍ତା ଅବରୋଧ କରିଛନ୍ତି ବାପଘର ଲୋକ । ଅଭିଯୁକ୍ତ ସ୍ୱାମୀ ଓ ଶ୍ବଶୁରଘର ଲୋକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରି ପରିବାର ଲୋକ ରାଜରାସ୍ତାରେ ବିକ୍ଷୋଭ କରିଛନ୍ତି । ତେବେ ପ୍ରଶାସନକି ଅଧିକାରୀ ଓ ପୋଲିସ ବୁଝାସୁଝା କରିବାପରେ ରାସ୍ତାରୋକ ହଟିଥିବା ସୂଚନା ରହିଛି ।
ଇଟିଭି ଭାରତ, ସୁବର୍ଣ୍ଣପୁର