ସୁବର୍ଣ୍ଣପୁର: ଜିଲ୍ଲାର ବିନିକା ଅଞ୍ଚଳରେ ପ୍ରାୟ 20 ଦିନ ଧରି ହାତୀ ଉପଦ୍ରବ ଦେଖିବାକୁ ମିଳୁଛି । ହାତୀମାନେ ବ୍ୟାପକ ପରିମାଣର ଧାନ ଫସନ ନଷ୍ଟ କରୁଥିବାରୁ ହାତୀକୁ ଘଉଡାଇବା ପାଇଁ ସ୍ଥାନୀୟ ଅଞ୍ଚଳର ଚାଷୀ ଓ ବନ୍ୟ କର୍ମଚାରୀ ଗତ 3 ଧରି ଉଜାଗର ରହିଥିବା ଜଣାପଡିଛି ।
ସୋମବାର ସୁଦ୍ଧା ଗତ ପ୍ରାୟ 20 ଦିନରୁ ଧରି ଜିଲ୍ଲାର ଉଲୁଣ୍ଡା ରେଞ୍ଜ ଅଞ୍ଚଳରୁ ବିନିକା ରେଞ୍ଜ ଅଞ୍ଚଳର ବାଙ୍କୀଘିର୍ଡି ଓ ସିନ୍ଦୁରପୁର ପଞ୍ଚାୟତର ବିଭିନ୍ନ ଗାଁରେ ଏକ ହାତୀପଲ ପଶି ଆସି ବ୍ୟାପକ ପରିମାଣର ଧାନ ଫସଲ ନଷ୍ଟ କରିଛନ୍ତି । ଚାଷୀମାନେ ଏବେ ଧାନ ଅମଳ କରୁଥିବା ଥିବା ବେଳେ ହାତୀପଲ ଧାନ ବିଲ ଭିତରେ ପଶି ଧାନ ଖାଇବା ସହ ବ୍ୟାପକ ପରିମାଣର ଧାନକୁ ନଷ୍ଟ କରୁଛନ୍ତି ।
ଏହି ହାତୀପଲ ଉଲୁଣ୍ଡା ବ୍ଲକ ସିଂହାସନ ଜଙ୍ଗଲରେ ଦୀର୍ଘ ଦିନରୁ ସ୍ଥାୟୀ ଭାବେ ବାସ କରୁଛନ୍ତି । ତେବେ ଏଥର ପ୍ରଥମ ଥର ପାଇଁ ହାତୀ ପଲ ବିନିକା ଅଞ୍ଚଳକୁ ପଶି ଆସି ଧାନ ଫସଲ ନଷ୍ଟ କରିଛନ୍ତି । ସ୍ଥାନୀୟ ଲୋକମାନେ ବନ ବିଭାଗ ସହିତ ମିଶି ରାତି ସାରା ଉଜାଗର ହୋଇ ହାତୀ ଘଉଡାଇବାରେ ଲାଗିଛନ୍ତି । ବିନିକା ଅଞ୍ଚଳରେ ଏବେ ହାତୀ ଯୋଗୁଁ ଲୋକେ ଭୟ ଓ ଆତଙ୍କରେ ରହୁଥିବା ଦେଖିବାକୁ ମିଳିଛି । ହାତୀପଲଙ୍କୁ ନିୟନ୍ତ୍ରଣ କରିବାରେ ବନ ବିଭାଗ ବିଫଳ ହୋଇଥିବା ଲୋକେ ଅଭିଯୋଗ କରିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
