ସୁବର୍ଣ୍ଣପୁର: ଧାନ ସଂଗ୍ରହ ନିଷ୍ପତ୍ତି ପ୍ରତ୍ୟାହାର କରିବା ପାଇଁ ଦାବି କରିଛନ୍ତି ସୁବର୍ଣ୍ଣପୁର ଲିଙ୍ଗମାର୍ନି ପଞ୍ଚାୟତର ଚାଷୀ । ଏଥର ଏହି ପଞ୍ଚାୟତରେ ସ୍ଥାନୀୟ ଏକ ମହିଳା ସ୍ୱୟଂ ସହାୟକ ଗୋଷ୍ଠୀକୁ ଧାନ ସଂଗ୍ରହ ପାଇଁ ଅନୁମତି ଦିଆଯିବାରୁ ଏହି ନିଷ୍ପତ୍ତିକୁ ପ୍ରତ୍ୟାହାର କରିବା ପାଇଁ ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପାଖରେ ଦାବି କରିଛନ୍ତି। ସ୍ୱୟଂ ସହାୟକ ଗୋଷ୍ଠୀ ପାଖରେ ଆବଶ୍ୟକ ଭିତ୍ତିଭୂମି ନ ଥିବାରୁ ଚାଷୀମାନେ ସୁବିଧାରେ ନିଜ ଉତ୍ପାଦିତ ଧାନ ବିକ୍ରି କରି ପାରିବେ ନାହିଁ ବୋଲି ସେମାନେ ଆଶଙ୍କା କରିଛନ୍ତି ।
ଚାଷୀଙ୍କ ଧାନ ସଂଗ୍ରହ ନିଷ୍ପତ୍ତି ପ୍ରତ୍ୟାହାର ଦାବି
ପୂର୍ବରୁ ଚାଷୀମାନେ ବେହେରାମାଲ ସମବାୟ ସମିତିରେ ବିକ୍ରି କରି ଆସୁଥିଲେ। ଆଉ ଏଥର ବି ଚାଷୀମାନଙ୍କୁ ସମବାୟ ସମିତିରେ ବିକ୍ରି କରିବା ପାଇଁ ଅନୁମତି ମିଳୁ ବୋଲି ଦାବି କରିଛନ୍ତି ଚାଷୀ । ଅପରପଟେ ଜିଲ୍ଲାପାଳଙ୍କ ସହିତ ଆଲୋଚନା ପରେ ଆବଶ୍ୟକ ପଦକ୍ଷେପ ନିଆଯିବ ବୋଲି ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଅଧିକାରୀ କହିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
