ସୁବର୍ଣ୍ଣପୁର: ଜିଲ୍ଲାର ତରଭା ଥାନା ଅନ୍ତର୍ଗତ ରାଣିସର୍ଡା ଗାଁରେ ଜଣେ ଯୁବତୀଙ୍କ ଅସ୍ବାଭାବିକ ମୃତ୍ୟୁ ହୋଇଛି । ନିଆଁରେ ପୋଡି ହୋଇ ଚିକିତ୍ସାଧୀନ ଅବସ୍ଥାରେ ଯୁବତୀଜଣଙ୍କର ମୃତ୍ୟୁ ହୋଇଥିବା ଜଣାପଡିଛି ।
ନିଆଁରେ ପୋଡି ହୋଇ ଯୁବତୀ ମୃତ
ଗତ 19 ତାରିଖ ଦିନ ଯୁବତୀ ଜଣକ ନିଆଁରେ ପୋଡି ହୋଇ ଯାଇଥିଲେ । ତାଙ୍କୁ ଗୁରୁତର ଅବସ୍ଥାରେ ବୁର୍ଲା ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
ସୂଚନାଅନୁସାରେ,ରାଣିସର୍ଡା ଗାଁର 25 ବର୍ଷୀୟ ରାଜୀବ ବେହେରା ବାହାର ଜିଲ୍ଲାକୁ କାମ କରିବାକୁ ଯାଇ ଯୁବତୀଙ୍କୁ ଘରକୁ ଆଣିଥିଲେ । ଦୁହେଁ ସ୍ବାମୀ ସ୍ତ୍ରୀ ଭାବେ ରହୁଥିଲେ ବୋଲି ପୋଲିସ ଅନୁସନ୍ଧାନରୁ ଜାଣିବାକୁ ପାଇଛି । ତେବେ ଯୁବତୀ କେଉଁ ଗାଁର ଓ କେଉଁ ପରିସ୍ଥିତିରେ ରାଜୀବ ସହିତ ତାଙ୍କ ଘରକୁ ଆସିଥିଲେ ପୋଲିସ ତଦନ୍ତ କରୁଛି । କେଉଁ କାରଣରୁ ଯୁବତୀଙ୍କ ମୃତ୍ୟୁ ହୋଇଛି ତାହା ବି ସ୍ପଷ୍ଟ ଜଣା ପଡିନାହିଁ । ପୋଲିସ ସମ୍ପୂର୍ଣ୍ଣ ଘଟଣାର ତଦନ୍ତ କରୁଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
