ସୁବର୍ଣ୍ଣପୁର: ନୂଆଁ ଗାଡି ଚାଳକଙ୍କ ପାଇଁ ସୁବର୍ଣ୍ଣପୁର ଜିଲ୍ଲା ପରିବହନ ବିଭାଗ ( Regional Transport Office) ଆଣିଛି ନୂଆଁ ସୁଯୋଗ । ଗାଡି ଚାଳନା ପରୀକ୍ଷା ଦେଇ ପ୍ରମାଣ ପତ୍ର ପାଇବାକୁ ଜିଲ୍ଲାର ସାହାଜପିଟା ଠାରେ ନବ ନିର୍ମିତ ସ୍ବୟଂ ଚାଳିତ ଯାନ ଚାଳନା ପରୀକ୍ଷଣ କେନ୍ଦ୍ର ଆଜି ଲୋକାର୍ପିତ ହୋଇ ଯାଇଛି । ଏହାକୁ ରାଜ୍ୟ ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ଲୋକାର୍ପିତ କରିଛନ୍ତି ।
ଏହି କାର୍ଯ୍ୟକ୍ରମରେ ଜିଲ୍ଲାପାଳ ଅବୋଲି ସୁନିଲ ନରୱଣେ ଅଧ୍ୟକ୍ଷତା କରିଥିବା ବେଳେ, ସମାରୋହରେ ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ସଚିବ ମଧୁସୂଦନ ପାଢୀ, ପରିବହନ ଆୟୁକ୍ତ ଅରୁଣ ବୋଥ୍ରା ଓ ଉପ ଆୟୁକ୍ତ ଦୀପ୍ତିରଂଜନ ପାତ୍ର ପ୍ରମୁଖ ଅତିଥିଭାବେ ଯୋଗଦେଇଥିଲେ । ଯାନବାହାନ ଚାଳକଙ୍କ ପାଇଁ ଏହି ଅତ୍ୟାଧୁନିକ ପ୍ରକଳ୍ପଟି ଉପଯୋଗ ହୋଇପାରିବ ବୋଲି ଏହି ଅବସରରେ ଅତିଥି ମାନେ କହିଛନ୍ତି । ପରୀକ୍ଷଣ କେନ୍ଦ୍ର ପରିସରରେ ଉଭୟ ଦ୍ବି ଚକିଆ ଓ ଚାରିଚକିଆ ଯାନବାହାନ ଚଳାଚଳର ପ୍ରଶିକ୍ଷଣ ଓ ପରୀକ୍ଷଣର ଅତ୍ୟାଧୁନିକ ବ୍ୟବସ୍ଥା ରହିଛି ।
ଏହି ଅବସରରେ ସୁବର୍ଣ୍ଣପୁର ଆଞ୍ଚଳିକ ପରିବହନ ବିଭାଗ ପକ୍ଷରୁ ୨୫ ଜଣ ନୂଆଁ ଚାଳକଙ୍କୁ ପ୍ରମାଣ ପତ୍ର ପ୍ରଦାନ କରାଯାଇଥିଲା ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
