ସୁବର୍ଣ୍ଣପୁର: ବୀରମହାରାଜପୁର ଥାନା ଅନ୍ତର୍ଗତ ଦୁର୍ଜନତୈଲା ଗାଁ ନିକଟରେ ଭାରସାମ୍ୟ ହରାଇ ଓଲଟି ପଡିଲା ଅଟୋ । ଫଳରେ ଜଣେ ଶିଶୁ ସମେତ ଆଠ ଜଣ ଗୁରୁତର ଆହତ ହୋଇଛନ୍ତି ।
ଗୁରୁତର ଶିଶୁକୁ ପ୍ରଥମେ ବୀରମହାରାଜପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଅବସ୍ଥା ସଙ୍କଟାପନ୍ନ ହେବାରୁ ତାକୁ ବୁର୍ଲା ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।
ସୁଚନା ଅନୁଯାୟୀ, କୁଞ୍ଜାପାଲିରୁ ବିଶାଲପାଲିକୁ କୌଣସି ଏକ କାମରେ ଯୋଗ ଦେବା ପାଇଁ ଯାତ୍ରୀମାନେ ଯାଉଥିଲେ । ଦୁର୍ଜନତୈଲାଠାରେ ଭାରସାମ୍ୟ ହରାଇ ଅଟୋଟି ଓଲଟି ପଡିଥିଲା । ଫଳରେ ଅଟୋରେ ଯାଉଥିବା ୮ ଜଣ ଯାକ ଯାତ୍ରୀ ଆହତ ହୋଇଛନ୍ତି ।
http://1ଭାରସାମ୍ୟ ହରାଇ ଓଲଟିଲା ଅଟୋ, ଆଠ ଜଣ ଗୁରୁତର0.10.50.80:6060///finalout3/odisha-nle/finalout/11-March-2021/10968588_sbr_k.mp4
ଘଟଣାସ୍ଥଳରୁ ଅଟୋ ଡ୍ରାଇଭର ଫେରାର ହୋଇଥିବା ସୂଚନା ମିଳିଛି । ତେବେ ଅଧିକ ଯାତ୍ରୀ ଥିବାରୁ ଅଟୋଟି ଓଲଟି ପଡିଥିବା ସନ୍ଦେହ କରାଯାଉଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
