ସୁବର୍ଣ୍ଣପୁର: ଜିଲ୍ଲା ସୋନପୁର ଗଡଜାତର ଇଷ୍ଟଦେବ ସୁବର୍ଣ୍ଣମେରୁ ମନ୍ଦିରରୁ ଚୋରି । ସହରର ଉପକଣ୍ଠରେ ଥିବା ମନ୍ଦିର ଭିତରେ ପାର୍ଶ୍ବ ଦେବତା ଭାବେ ପୂଜା ପାଉଥିବା ଶ୍ରୀଜଗନ୍ନାଥ ଓ ଶ୍ରୀ ବଳଭଦ୍ର ବିଗ୍ରହଙ୍କ ରୂପା ଅଳଙ୍କାର,ପାଟ ଶାଢୀ,ଘଣ୍ଟ ଓ ଘଣ୍ଟି ସବୁ ଦୁର୍ବୃତ୍ତମାନେ ଚୋରି କରି ନେଇଛନ୍ତି । ମନ୍ଦିର ପୂଜକ ଆଜି ସକାଳୁ ଜଗନ୍ନାଥଙ୍କୁ ପୂଜା କରିବାକୁ ଯିବା ସମୟରେ ଏହି ସବୁ ଜିନିଷ ଚୋରି ହୋଇଥିବା ଦେଖିବାକୁ ପାଇଥିଲେ ।
ସୁବର୍ଣ୍ଣମେରୁ ମନ୍ଦିରରୁ ତିନି ବିଗ୍ରହଙ୍କ ରୂପା ଅଳଙ୍କାର ଚୋରି ଅଭିଯୋଗ
ଏହା ପରେ ମନ୍ଦିର କମିଟି ଜରିଆରେ ସୋନପୁର ପୋଲିସକୁ ଖବର ଦିଆଯାଇଥିଲା । ସୋନପୁର ପୋଲିସ ଘଟଣାର ଅନୁସନ୍ଧାନ ଜାରି ରଖିଛି । ମନ୍ଦିରରୁ ବାରମ୍ବାର ଚୋରି ହେଉଥିବାରୁ ଭକ୍ତମାନଙ୍କ ଭିତରେ ଅସନ୍ତୋଷ ଦେଖାଦେଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
