ସୁବର୍ଣ୍ଣପୁର: ଜଙ୍ଗଲରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତକ ସରଗୁଣା ଗାଁର 50 ବର୍ଷିୟ ମଙ୍ଗଲୁ ଭୁଏ ବୋଲି ଜଣାପଡିଛି। ସୂଚନା ଅନୁସାରେ, ଗତ କିଛିଦିନ ତଳେ ମଙ୍ଗଲୁ ଘରୁ ବାହାରକୁ ଯାଉଛି କହି ଆଉ ଘରକୁ ଫେରି ନ ଥିଲେ।
ଜଙ୍ଗଲରୁ ଗଳିତ ମୃତଦେହ ଉଦ୍ଧାର
ହେଲେ ସୁବର୍ଣ୍ଣପୁର ଘାଟି ଜାମପାଳିର ଘଣ୍ଟାଶୁଣୀ ଜଙ୍ଗଲରେ କାଠୁରିଆମାନେ ତାଙ୍କ ମୃତଦେହ ଝୁଲୁଥିବା ଦେଖିଥିଲେ । ଏନେଇ ପୋଲିସକୁ ଖବର ଦିଆଯାଇଥିଲା । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହିତ ଅଧିକ ତଦନ୍ତ ଜାରି ରଖିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
