ସୁବର୍ଣ୍ଣପୁର: ଅଭିନବ ଉପରେ ଗଞ୍ଜେଇ ଚାଲାଣ । ପୋଲିସର ଚଢାଉ ବେଳେ ଧରାପଡିଲା ବାଇକ ଆରୋହୀ । ବୌଦ୍ଧ ଶଗଡା ଅଞ୍ଚଳରୁ ସୁବର୍ଣ୍ଣପୁର ସହର ଦେଇ ଯାଉଥିବାବେଳେ ପୋଲିସ ହାବୁଡରେ ଧରା ପଡିଥିଲା ସର୍କସ କର୍ଣ୍ଣ । ପୋଲିସ ଅଭିଯୁକ୍ତକୁ ଗିରଫ କରିବା ସହ କୋର୍ଟ ଚାଲାଣ କରିଛି ।
ଗଞ୍ଜେଲ ଚାଲାଣରେ ନାବାଳିକା ମୋହରା, ଜଣେ ଗିରଫ
ବୌଦ୍ଧ ଜିଲ୍ଲା ଘୋଂଟୋପାଲି ଗାଁର ସର୍କସ କର୍ଣ୍ଣ 2ଜଣ ନାବାଳିକାଙ୍କୁ ବାଇକରେ ବସାଇ ଗଞ୍ଜେଇ ଚାଲାଣ କରୁଥିଲେ । ଏହି ସମୟରେ ପୋଲିସ ଚଢାଉ କରିଥିବାବେଳେ କୁଞ୍ଜ ହୋଟେଲ ନିକଟରୁ ସେମାନଙ୍କୁ ଧରିବାରେ ସଫଳ ହୋଇଥିଲା । ସେମାନଙ୍କ ଠାରୁ 10 କେଜିର ଗଞ୍ଜେଇ, 17 ହଜାର ପାଞ୍ଚ ଶହ ନଗଦ ଟଙ୍କା ଓ ତିନୋଟି ମୋବାଇଲ ଫୋନ ଜବତ କରିଛି ପୋଲିସ । ସେପଟେ, 2 ନାବାଳିକାଙ୍କୁ ଶିଶୁ କାରଗାରକୁ ପଠାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
