ସୁବର୍ଣ୍ଣପୁର: ପାଣିରେ ବୁଡି 2 ଛାତ୍ରୀ ମୃତ । ଏଭଳି ଅଭାବନୀୟ ଘଟଣା ଘଟିଛି ସୁବର୍ଣ୍ଣପୁର ସଦର ବ୍ଲକ ଅନ୍ତର୍ଗତ ମଲ୍ଲିକମୁଣ୍ଡା ଗାଁରେ । ମୃତ ଛାତ୍ରୀ ହେଲେ ସେହି ଗାଁର ଉଗ୍ରସେନ ମହାନନ୍ଦଙ୍କ 7 ବର୍ଷୀୟ ଝିଅ ପିଙ୍କି ଓ ନୃପ ଲୁହାଙ୍କ 6 ବର୍ଷୀୟ ଝିଅ ରାକ୍ଷୀ ।
ସୂଚନାନୁସାରେ, ଗୁରୁବାର ସକାଳୁ ପିଙ୍କି ଓ ରାକ୍ଷୀ ଖେଳୁଥିବାବେଳେ ନିକଟରେ ଥିବା ପୁଟୁକିବନ୍ଧ ପୋଖରୀକୁ ଗାଧୋଇବାକୁ ଯାଇଥିଲେ । ଉଭୟ ଦୀର୍ଘ ସମୟରେ ଧରି ନଫେରିବାରୁ ଜଣେ ଗ୍ରାମବାସୀ ଝିଅ 2ଟି ଗାଧୁଆ ଘାଟରୁ କୁଆଡେ ହଠାତ ଉଭାନ ହୋଇଯାଇଥିବା କହିଥିଲେ। ଏହା ପରେ ପରିବାର ଲୋକେ ଉଭୟଙ୍କୁ ପୋଖରୀରେ ଖୋଜାଖୋଜି କରିଥିଲେ।
ସେପଟେ ସଦର ମହକୁମା ଅଗ୍ନିଶମ ବିଭାଗକୁ ଖବର ଦେବା ପରେ ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି 2 ଝିଅଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ମାତ୍ର ଡାକ୍ତର ସେଠାରେ ଉଭୟଙ୍କୁ ମୃତ ଘୋଷଣା କରିଛନ୍ତି । 2 ଝିଅଙ୍କ ମୃତ୍ୟୁରେ ଗାଁରେ ଶୋକର ଛାୟା ଖେଳିଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
