ସୁବର୍ଣ୍ଣପୁର: ଶେଷ ହୋଇଛି ସୁବର୍ଣ୍ଣପୁର ଜିଲ୍ଲାର ସୁବର୍ଣ୍ଣ ଲୋକ ମହୋତ୍ସବ 2020। ନୃତ୍ୟ ଗୀତ ସାଙ୍ଗକୁ ଆୟୋଜିତ ହୋଇଥିଲା ପଲ୍ଲିଶ୍ରୀ ମେଳା। ରାଜ୍ୟର ବିଭିନ୍ନ ସ୍ଥାନରୁ ମହିଳା ସ୍ବୟଂ ସହାୟକ ଗୋଷ୍ଠୀ ସାମିଲ ହୋଇ ବିଭିନ୍ନ ପ୍ରକାରର ଘରକରଣା ଓ ସୌଖିନ ଦ୍ରବ୍ୟ ପ୍ରଦର୍ଶିତ କରିବା ସହିତ ବିକ୍ରି କରିଛନ୍ତି । ଏହି ମେଳାରେ ପ୍ରାୟ କୋଟିଏ ଟଙ୍କାର ବ୍ୟବସାୟ ହୋଇଥିବା ଓରମାସ ପକ୍ଷରୁ ସୂଚନା ମିଳିଛି।
200 ଷ୍ଟଲରେ ବ୍ୟବସାୟୀମାନେ 5 ଦିନ ଧରି ବିଭିନ୍ନ ଦ୍ରବ୍ୟ ବିକ୍ରି କରିଥିଲେ । ଗ୍ରାହକମାନେ ବି ପାଖରେ ଭଳିକି ଭଳି ଦ୍ରବ୍ୟ ପାଇ ହାତରେ ପରଖି କିଣିଥିଲେ। ଜିଲ୍ଲା ଓରମାସ ତରଫରୁ ବ୍ୟବସାୟୀ ଓ ଗ୍ରାହକଙ୍କ ପାଇଁ ବ୍ୟାପକ ବ୍ୟବସ୍ଥା କରାଯାଇଥିଲା।
ମାଟି, କାଠ,ବାଉଁଶ ତଥା ବିଭିନ୍ନ ମେଟାଲ ଗୁଡିକର ଦ୍ରବ୍ୟ ପଲ୍ଲିଶ୍ରୀ ମେଳରେ ଦେଖିବାକୁ ମିଳିଥିଲା । ଯାହା ପ୍ରାୟ କୌଣସି ବଜାରରେ ଦେଖିବାକୁ ମିଳେନାହିଁ । ହାତ ତିଆରି ମନଲୋଭା ଜିନିଷ ସବୁ ଶସ୍ତା ଦରରେ ପାଖରେ ପାଇ ଗ୍ରାହକ ଯେତିକି ଖୁସି ଥିଲେ ଭଲ ବ୍ୟବସାୟ କରି ବ୍ୟବସାୟୀମାନେ ବି ବେଶ ଦୁଇ ପଇସା ରୋଜଗାର କରିଥିଲେ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
