ସୁବର୍ଣ୍ଣପୁର: ରବି ଋତୁରେ ପ୍ରାଥମିକ ଆକଳନରୁ ପ୍ରାୟ 15 ପ୍ରତିଶତ ଧାନ ଫସଲ ନଷ୍ଟ ହୋଇଥିବା ଜିଲ୍ଲା କୃଷି ବିଭାଗ ସୂଚନା ଦେଇଛି । ପ୍ରକୃତ କ୍ଷୟକ୍ଷତିର ଆକଳନ କରିବା ପରେ ଚାଷୀଙ୍କ କ୍ଷତିପୂରଣ ପାଇଁ ରାଜ୍ୟ କୃଷି ବିଭାଗକୁ ଆବଶ୍ୟକ ରିପୋର୍ଟ ପ୍ରଦାନ କରାଯିବ ବୋଲି ଜିଲ୍ଲା କୃଷି ଅଧିକାରୀ କହିଛନ୍ତି ।
ଆଗାମୀ ଖରିଫ ଋତୁ ଚାଷ ଆରମ୍ଭ ହୋଇଯାଇଥିବାବେଳେ ଜିଲ୍ଲାର ଅନେକ ଚାଷୀ ଗତ ରବି ଋତୁରେ ଉତ୍ପାଦିତ ଶସ୍ୟ ସଂପୂର୍ଣ୍ଣ ଭାବେ ବିକ୍ରି କରିପାରିନଥିଲେ । କିଛି ଧାନ ପେଟା ଚାଷଜମିରେ ହିଁ ପଡିଥିବାବେଳେ କିଛି ଚାଷୀ ଖଳାକୁ ଆଣି ଅମଳ କରିବାକୁ ରଖିଥିବା ବେଳେ ଅଦିନିଆ ବର୍ଷା ଓ ପ୍ରାକ ମୌସୁମୀ ବର୍ଷାରେ ଧାନ କ୍ଷତିଗ୍ରସ୍ତ ହୋଇଛି । ତେବେ ଜିଲ୍ଲା କୃଷି ବିଭାଗ ପକ୍ଷରୁ ସାମାଜିକ ଗଣମାଧ୍ୟମ ଓ କୃଷି ବିଭାଗର କର୍ମଚାରୀମାନେ ଚାଷୀଙ୍କୁ ଆବଶ୍ୟକ କୃଷି ପରାମର୍ଶ ଦେଇଥିବାରୁ ପ୍ରାୟ 85 ପ୍ରତିଶତ ଧାନ ଅମଳ ହୋଇଥିବା ବେଳେ ବିକ୍ରି ହୋଇପାରିଥିବା ସୂଚନା ଦେଇଛି ।
ତେବେ ଜିଲ୍ଲାର ରାଜସ୍ବ କର୍ମଚାରୀଙ୍କ ସହିତ କୃଷି କର୍ମଚାରୀମାନେ ମିଳିତ ଭାବେ ତଦନ୍ତ କରିବା ପରେ ପ୍ରକୃତ କ୍ଷୟକ୍ଷତିର ପରିମାଣ ଜଣାପଡିବ ବୋଲି ଜିଲ୍ଲା କୃଷି ଅଧିକାରୀ କହିଛନ୍ତି । ତେବେ କ୍ଷୟକ୍ଷତିର ଆକଳନ ପାଇଁ କୃଷି କର୍ମଚାରୀମାନଙ୍କୁ ଆବଶ୍ୟକ ନିର୍ଦ୍ଦେଶ ଦିଆଯାଇଥିବା ବେଳେ ରାଜସ୍ବ ବିଭାଗକୁ ମଧ୍ୟ ଅନୁରୋଧ କରାଯାଇଛି । ପ୍ରକୃତ କ୍ଷୟକ୍ଷତିର ଆକଳନ କରିବା ପରେ ଚାଷୀଙ୍କ କ୍ଷତିପୂରଣ ପାଇଁ ରାଜ୍ୟ କୃଷି ବିଭାଗକୁ ଆବଶ୍ୟକ ରିପୋର୍ଟ ପ୍ରଦାନ କରାଯିବ ବୋଲି ଜିଲ୍ଲା କୃଷି ଅଧିକାରୀ କହିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
