ସମ୍ବଲପୁର:ସ୍ୱାଧୀନତା ଦିବସ ଅବସରରେ ବନ୍ୟା ଜଳ ଭରା ମହାନଦୀର ଦୁଃସାହସିକ ଭାବେ ପହଁରି ତ୍ରିରଙ୍ଗା ଉଡାଇଲେ ଯୁବକ । ସମ୍ବଲପୁରରେ ଆଜି ଏମିତି ଦୃଶ୍ୟ ଦେଖୁବାକୁ ମିଳିଛି । ଜିଲ୍ଲାର କେତେକ ଯୁବକ ଆଜି ଏପରି ଦୁଃସାହସିକ ଭାବେ ତ୍ରିରଙ୍ଗା ଉଡାଇ ଚର୍ଚ୍ଚାରେ ରହିଛନ୍ତି ।
ମହାନଦୀରେ ଦୁଃସାହସିକ ଭାବେ ତ୍ରିରଙ୍ଗା ଉଡାଇ ଚର୍ଚ୍ଚାରେ ଯୁବକ ସୂଚନା ଅନୁଯାୟୀ, ଆଜି(ସୋମବାର) ହୀରାକୁଦ ଡ୍ୟାମରୁ 34 ଟି ଗେଟ ଖୋଲା ଥିବା ବେଳେ ତଳମୁଣ୍ଡରେ ବନ୍ୟାଜଳରେ ମହାନଦୀ ଉଛୁଳୁଥିବା ନେଇ ଜଣାପଡିଛି । ତେବେ ସମ୍ବଲପୁରର କେତେକ ଯୁବକ ଏହି ବନ୍ୟାଜଳ ପରିପୂର୍ଣ୍ଣ ମହାନଦୀ ଗର୍ଭରେ ପହଁରି ତ୍ରିରଙ୍ଗା ଉଡାଇଛନ୍ତି ସମ୍ବଲପୁରର କେତେକ ଯୁବକ। ଏମାନଙ୍କ ମଧ୍ୟରୁ କେତେକ ଟ୍ୟୁବ ସହ ପହଁରୁଥିବା ବେଳେ କେତେକ ବିନା ଟ୍ୟୁବରେ ପହଁରି ତ୍ରିରଙ୍ଗା ଉଡାଇ ଥିଲେ । ଭାରତ ମାତା କି ଜୟ ଆଉ ବନ୍ଦେ ମତାରମ ନାରା ଦେଇ ଏହି ଯୁବକମାନେ ତ୍ରିରଙ୍ଗା ଉଡାଇଥିଲେ । ଯୁବକମାନଙ୍କ ଏଭଳି ନିଆରା ତ୍ରିରଙ୍ଗା ଯାତ୍ରାକୁ ନେଇ ସମ୍ବଲପୁରରେ ଚର୍ଚ୍ଚା ହେଉଛି ।
ଇଟିଭି ଭାରତ,ସମ୍ବଲପୁର
