ସମ୍ବଲପୁର: ଜିଲ୍ଲା ରେଢ଼ାଖୋଲ ଉପଖଣ୍ଡ ନକଟିଦେଉଲ ଅଞ୍ଚଳରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ହାତୀ ଆକ୍ରମଣରେ ମୃତ୍ୟୁ ହୋଇଥିବା ମହିଳା ଜଣକ ବଟଗାଁ ପଞ୍ଚାୟତର ହିତସରା ଗାଁର ପ୍ରମିଳା ଦେହୁରୀ (65) ବୋଲି ଜଣାପଡିଛି । ସେ ଆଜି ଭୋରରୁ ବିଲକୁ ଯାଉଥିବାବେଳେ ଏକ ବଣୁଆ ହାତୀ ଆକ୍ରମଣର ଶିକାର ହୋଇଥିଲେ । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।
ବନ ବିଭାଗର ତ୍ରୁଟିପୂର୍ଣ୍ଣ ବନ ପରିଚାଳନା ନୀତି ଯୋଗୁଁ ବାରମ୍ବାର ଏହି ଅଞ୍ଚଳରେ ଲୋକେ ହାତୀ ଆକ୍ରମଣ ଶିକାର ହେଉଥିବା ଅଭିଯୋଗ ହୋଇଛି । ବାରମ୍ବାର ଏପରି ସମସ୍ୟା ଦେଖାଦେଉଥିବା ହେତୁ ଏହାର ସମାଧାନ ପାଇଁ ଲୋକେ ବନବିଭାଗକୁ ଅନୁରୋଧ କରିଛନ୍ତି । ଏହାସହ ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି ।
ସମ୍ବଲପୁରରୁ ବାଦଶାହା ଜୁଷ୍ମନ ରଣା, ଇଟିଭି ଭାରତ
