ସମ୍ବଲପୁର: ନିର୍ମାଣ କାର୍ଯ୍ୟ ଚାଲୁ ରହିଥିବା ଏକ ପୋଲ ଦବିଯାଇଛି । ନିମ୍ନମାନର କାର୍ଯ୍ୟ ହେଉଥିବା ନେଇ ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଘଟଣାଟି ଘଟିଛି ସମ୍ବଲପୁର ଜିଲ୍ଲା ଯୁଜୁମୁରା ବ୍ଲକ ଲିପିଣ୍ଡା ଗାଁରେ । ତେବେ ଯୁଜୁମୁରା ବ୍ଲକ ଲିପିଣ୍ଡା-ଆମ୍ଭମାଳ ଗାଁକୁ ସଂଯୋଗ କରୁଥିବା ବ୍ରିଜରେ ଏପରି ସ୍ଥିତି ଉପୁଜିଥିବା ଜଣାପଡିଛି ।
ଦବିଲା ନିର୍ମାଣାଧୀନ ପୋଲ, ନିମ୍ନମାନର କାମନେଇ ଗ୍ରାମବାସୀଙ୍କ ଅଭିଯୋଗ ସୂଚନା ଅନୁଯାୟୀ ସମ୍ବଲପୁର ଜିଲ୍ଲା ଯୁଜୁମୁରା ବ୍ଲକ ଲିପିଣ୍ଡା ଗାଁରେ ନିର୍ମାଣଧୀନ ଏକ ପୋଲର କିଛିଅଂଶ ଭାଙ୍ଗିଯାଇଛି । ଫଳରେ ବ୍ରିଜର ଭଗ୍ନଅଂଶକୁ ଆଉଥରେ ନିର୍ମାଣ କରାଯାଉଛି । ତେବେ ବ୍ରିଜ ନିର୍ମାଣ କରୁଥିବା ଠିକାସଂସ୍ଥା ନିମ୍ନମାନର କାର୍ଯ୍ୟ କରୁଥିବା ସହ ନିଜର ଦୋଷ ଦୁର୍ବଳତାକୁ ଲୁଚାଇବା ପାଇଁ ରାତି ଅଧିଆ ବ୍ରିଜ ନିର୍ମାଣ କାର୍ଯ୍ୟ କରାଉଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ତେଣୁ ଘଟଣାର ତଦନ୍ତ ହେବା ସହ ବ୍ରିଜ୍ ନିର୍ମାଣକାର୍ଯ୍ୟ ଦୃଢ କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି ।ଅନ୍ୟପଟେ ଠିକାସଂସ୍ଥାର ଇଞ୍ଜିନିୟର ସ୍ପଷ୍ଟୀକରଣ ଦେଇ କହିଛନ୍ତି ଯେ, କୌଣସି ନିମ୍ନମାନର କର୍ଯ୍ୟ ହେଉନାହିଁ କି ରାତ୍ରୀ ସମୟରେ କୌଣସି କାମ ହୋଇନାହିଁ । ନିର୍ମାଣ କାର୍ଯ୍ୟ ଚାଲି ଥିବାବେଳେ ଦୁର୍ଭାଗ୍ୟବଶତଃ ବ୍ରିଜର କିଛିଅଂଶ ଦାବି ଯାଇଥିଲା, ତାହାକୁ ପୁଣି ନିର୍ମାଣ କରାଯାଉଛି ।
ସମ୍ବଲପୁରରୁ ବାଦଶାହା ଜୁଶ୍ମନ ରଣା, ଇଟିଭି ଭାରତ
