ସମ୍ବଲପୁର: ଜିଲ୍ଲାରେ ଜୋରଦାର ଚାଲିଛି ନକଲି ନୋଟ କାରବାର । ପୁଣି ଜବତ ହୋଇଛି ନକଲି ନୋଟ । ସମ୍ବଲପୁର ବୁର୍ଲା ପୋଲିସ ବିଭିନ୍ନ ସ୍ଥାନରେ ଚଢାଉ କରି 12 ହଜାର ୩ଶହ ଟଙ୍କା ଜବତ କରିବା ସହ ରାକେଟରେ ସାମିଲ 3 ଜଣଙ୍କୁ ଗିରଫ କରିଛି ।
ଗିରଫ ଅଭିଯୁକ୍ତମାନେ ବରଗଡ଼ ଜିଲ୍ଲାର ପଦ୍ମପୁର ଅଞ୍ଚର ବୋଲି ସୂଚନା ଦେଇଛନ୍ତି ଏସପି ବାତୁଲା ଗଙ୍ଗାଧର । ଅଭିଯୁକ୍ତମାନଙ୍କ ନିକଟରୁ 100, 200, 500 ଓ 2000 ଟଙ୍କିଆ ନକଲି ନୋଟ ଜବତ ହୋଇଛି । ଟଙ୍କା ତିଆରି କାଗଜ, ଗାନ୍ଧୀ ମୁଣ୍ଡ ଥିବା ରବର ଷ୍ଟାମ୍ପ ,ମୋଟର ସାଇକେଲ, ଅଟୋ ମୋବାଇଲ ଫୋନ ଜବତ କରିଛି ପୋଲିସ ।
ଗତ ଅଗଷ୍ଟ 8 ତାରିଖରେ ସମ୍ବଲପୁର ଟାଉନ ଥାନା ପୋଲିସ 13 ଲକ୍ଷ 85 ହଜାର ଟଙ୍କା ନକଲି ନୋଟ ଜବତ କରି 6 ଜଣକୁ ଗିରଫ କରିଥିଲା । ଏହା ପରେ କାରବାର ଚେର ପାଖରେ ପହଞ୍ଚିବାକୁ ସକ୍ରିୟ ହୋଇଥିଲା ସମ୍ବଲପୁର ପୋଲିସ । ବୁର୍ଲା ପୋଲିସ ଏ ଦିଗରେ ତଦନ୍ତ ଜୋରଦାର କରିଥିଲା । ଆଉ ଏବେ ଆଉ ଏକ ରାକେଟର ପର୍ଦ୍ଦାଫାସ କରିଛି ପୋଲିସ ।
ସମ୍ବଲପୁରରୁ ବାଦଶାହା ଜୁଷ୍ମନ ରଣା, ଇଟିଭି ଭାରତ
