ସମ୍ବଲପୁର: ଆଉ କେଇ ଦିନ ପରେ ସମ୍ବଲପୁରରେ ଅନୁଷ୍ଠିତ ହେବାକୁ ଯାଉଛି ପବିତ୍ର ଶୀତଳ ଷଷ୍ଠୀ ଯାତ୍ରା । ଧରା ପୁଷ୍ଠରେ ପୁଣି ଅନୁଷ୍ଠିତ ହେବ ଦେବ ଦମ୍ପତିଙ୍କ ବାହାଘର । ବାହାଘରରେ ସାମିଲ ହେବେ ଦେଵତା, ନର, ଅସୁର, ଗର୍ଦ୍ଧବ ଓ କିନ୍ନର । ବିବାହ ପରେ ହେବ ଧରାପୃଷ୍ଠ ଶୀତଳ ।
ଶୀତଳ ଷଷ୍ଠୀ ପାଇଁ ଜୋରସୋର ଚାଲିଛି ପ୍ରସ୍ତୁତି ପର୍ବ । ଦେବ ଦେବ ମହାଦେବ ଓ ମାତା ପାର୍ବତୀଙ୍କ ବାହାଘର ପାଇଁ କନ୍ୟା ପିତାମାତା ହେବା ସୌଭାଗ୍ୟ ଅର୍ଜନ କରିଥିବା ପରିବାର ଲୋକେ ଏବେ ଲାଗି ପଡିଛନ୍ତି କନ୍ୟା ରୂପେ ପାଇଥିବା ମାତା ପାର୍ବତୀଙ୍କ ବାହାଘରର ପ୍ରସ୍ତୁତି ପାଇଁ ।
ଏ ଦୃଶ୍ୟ ହେଉଛି ସମ୍ବଲପୁର ଝାଡୁଆପଡା ଆରଣ୍ୟକ ଶୀତଳ ଷଷ୍ଠୀ ଯାତ୍ରାର ମାତା ପାର୍ବତୀଙ୍କ ପିତା ମାତା ହୋଇଥିବା ମୁଣ୍ତ ଦମ୍ପତିଙ୍କ ଘର ।
ବାହାଘରର ଜାନି ଯୌତୁକ ସହ ମାତା ପାର୍ବତୀଙ୍କ ପାଇଁ ବିଭିନ୍ନ ପ୍ରକାରର ସୁନା ଓ ରୂପାର ଅଳଙ୍କାର ସହ କଂସା ବାସନ ଓ ବିଭିନ୍ନ ପ୍ରକାରର ବସ୍ତ୍ର ଆଦି କିଣା କିଣି ସରିଛି । ଏପଟେ ନିଜ ଘରକୁ ବର ରୂପେ ଆସୁଥିବା ଭଗବାନ ଶିବ ଶଙ୍କର ପାଇଁ ରୂପାର ତ୍ରୀଶୁଳ, ଡମ୍ବରୁ, କଠଉ, ଚିଲମ ସହ ବିଭିନ୍ନ ପ୍ରକାରର ଅଳଙ୍କାର କିଣାଯାଇଥିବା ମାତା ପାର୍ଵତୀଙ୍କ ଆଈ ବାସନ୍ତୀ ପାଣିଗ୍ରାହୀ କହିଛନ୍ତି ।
ମାତା ପାର୍ବତୀଙ୍କ ପିତାମାତା ହୋଇଥିବା ଅମୀୟ ମୁଣ୍ତ ଓ ସମିତା ମୁଣ୍ତ ସୁଦୂର କୋଲକତାରୁ ସମ୍ବଲପୁରକୁ ଆସିନଥିବାବେଳେ ପାର୍ବତୀଙ୍କ ବାହାଘର ପାଇଁ ମାତା ପାର୍ବତୀଙ୍କ ମାଉସୀ ହାଇଦ୍ରାବାଦରୁ ଆସି ବାହାଘର ସବୁ ପ୍ରସ୍ତୁତି ସାରିଛନ୍ତି । ପାର୍ବତୀଙ୍କ ମାଇଁ ସୁଦୂର ଭୁବନେଶ୍ବରରୁ ମଉଳା ଭାର ଆଣିଥିବା ପାର୍ବତୀଙ୍କ ମାଇଁ ସୁପ୍ରିତୀ ପାଣିଗ୍ରାହୀ କହିଛନ୍ତି ।
ଶୀତଳ ଷଷ୍ଠୀ ଯାତ୍ରାକୁ ଆଉ କିଛି ଦିନ ବାକିଥିବାବେଳେ ଏଥିପାଇଁ ଏବେ ସର୍ମଗ୍ର ପରିବାରରେ ଆନନ୍ଦର ମାହୋଲ ଦେଖିବାକୁ ମିଳିଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
