ହାଇଦ୍ରାବାଦ: ଦକ୍ଷିଣ କୋରିଆର କାର ନିର୍ମାତା କିଆ ଇଣ୍ଡିଆର ସର୍ବୋତ୍ତମ ବିକ୍ରି ହେଉଥିବା କାର ମଧ୍ୟରୁ ଏକ ବଡ଼ ବିକ୍ରି ମାଇଲଖୁଣ୍ଟ ହାସଲ କରିଛି Kia Sonet କାର । ସୂଚନା ଅନୁଯାୟୀ ଜାନୁଆରୀ 2024ରେ କିଆ ସୋନେଟ୍ ଫେସେଲିଫ୍ଟ 1 ଲକ୍ଷ ୟୁନିଟ୍ ବିକ୍ରୟ ସଂଖ୍ୟା ହାସଲ କରିଛି । କିଆ ସୋନେଟ୍ 2020 ମସିହାରେ ଭାରତୀୟ ବଜାରରେ ଲଞ୍ଚ କରାଯାଇଥିଲା । କାରଟି ଲଞ୍ଚ ହେବା ମାତ୍ରେ ଭାରତୀୟ ଗ୍ରାହକଙ୍କୁ ବହୁତ ପସନ୍ଦ ଆସିଥିଲା । କାରଣ ଏହି ଏସୟୁଭିରେ ଅନେକ ଫିଚର ଅଛି । ଚଳିତ ବର୍ଷ ପ୍ରାରମ୍ଭରେ ଏହି ସବ୍-4 ମିଟର ଏସୟୁଭିକୁ ଏକ ମଧ୍ୟମ ଅପଡେଟ ଦିଆଯାଇଥିଲା, ଯାହାକି ଏହାର ବିକ୍ରୟ ଗତି ବଜାୟ ରଖିବାରେ ସାହାଯ୍ୟ କରିଥିଲା ।
ପ୍ରତି ମାସରେ 9000 Sonet ବିକ୍ରି
କିଆ ଇଣ୍ଡିଆ ପକ୍ଷରୁ ଜାରି ହୋଇଥିବା ଏକ ବିବୃତ୍ତି ଅନୁସାରେ, ଚଳିତ ବର୍ଷ ଜାନୁଆରୀରେ ଫେସଲିଫ୍ଟ ମଡେଲ ବିକ୍ରି ହେବା ପରଠାରୁ ଏହା ପ୍ରତି ମାସରେ ସୋନେଟ୍ର 9,000 ୟୁନିଟ୍ ବିକ୍ରି କରିଛି । ସୋନେଟ୍ ପାଇଁ ଗ୍ରାହକଙ୍କ ପସନ୍ଦ ବିଷୟରେ କିଆ ମଧ୍ୟ ସୂଚନା ଦେଇଛି । କମ୍ପାନୀ କହିଛି ଯେ 76% କିମ୍ବା ପ୍ରତି 4ଟି ମଧ୍ୟରୁ ପ୍ରାୟ ତିନୋଟି କ୍ରେତାମାନେ 1.2 ଲିଟର ନ୍ୟାଚୁରାଲି ଏସ୍ପିରେଟେଡ ପେଟ୍ରୋଲ କିମ୍ବା 1.0 ଲିଟର ଟର୍ବୋ-ପେଟ୍ରୋଲ ଇଞ୍ଜିନ ବାଛିଛନ୍ତି ।
ସନରୁଫ୍ ଭାରିଏଣ୍ଟକୁ ପସନ୍ଦ କଲେ ଗ୍ରାହକ
ଏହା ବ୍ୟତୀତ ଅବଶିଷ୍ଟ 24 ପ୍ରତିଶତ ଗ୍ରାହକ 1.5 ଲିଟର ଡିଜେଲ ଇଞ୍ଜିନ ପାଇଁ ଚୟନ କରିଥିଲେ । ସବୁଠୁ ଖାସ କଥା ହେଉଛି ଯେ ସମସ୍ତ କିଆ ସୋନେଟ୍ ଗ୍ରାହକଙ୍କ 79 ପ୍ରତିଶତ ସନରୁଫ୍ ଥିବା ଭାରିଏଣ୍ଟକୁ ବାଛିଥିବାବେଳେ 34 ପ୍ରତିଶତ କ୍ରେତା ସ୍ବୟଂଚାଳିତ ଟ୍ରାନ୍ସମିସନ୍ କିମ୍ବା ଇଣ୍ଟେଲିଜେଣ୍ଟ୍ ମାନୁଆଲ୍ ଟ୍ରାନ୍ସମିସନ୍ (iMT)କୁ ବାଛିଛନ୍ତି |
କିଆ ସୋନେଟ୍ର ବିକ୍ରୟ ପ୍ରଦର୍ଶନ ଉପରେ ପ୍ରତିକ୍ରିୟା ରଖି କିଆ ଇଣ୍ଡିଆର ସିନିୟର ଭିପି ତଥା ହେଡ୍ ଅଫ୍ ସେଲ୍ସ ଆଣ୍ଡ ମାର୍କେଟିଂ ହାର୍ଦ୍ଦିକ ସିଂ ବ୍ରା କହିଛନ୍ତି, "କିଆରେ ଆମର ନିରନ୍ତର ଧ୍ୟାନ ଗ୍ରାହକଙ୍କ ଆବଶ୍ୟକତା ବୁଝିବା ଏବଂ ତାହାର ସମାଧାନ କରିବା ଉପରେ ଥିଲା । ଏହାର ଅନେକ ମହତ୍ତ୍ବପୂର୍ଣ୍ଣ ଫିଚର ଥିଲା, ଯାହା ଏହି ସେଗମେଣ୍ଟକୁ ପ୍ରିମିୟମ କରିଥିଲା । ଏହି ଫିଚରଗୁଡିକ ନୂତନ ସୋନେଟ୍ର ମୂଲ୍ୟ ପ୍ରସ୍ତାବକୁ ଯଥେଷ୍ଟ ବୃଦ୍ଧି କରିଛି ଯାହାଦ୍ବାରା ବିକ୍ରିରେ ମଧ୍ୟ ଏହାର ପ୍ରଦର୍ଶନ ମଜଭୁତ ହୋଇଛି । ଏହି ସଫଳତା ଆମ ପ୍ରତି ଗ୍ରାହକଙ୍କ ବିଶ୍ବାସ ଏବଂ ପ୍ରଶଂସା ପାଇଁ ଏକ ପ୍ରମାଣ, ଯେଉଁମାନେ ଆମକୁ ଆଶାଠାରୁ ଅଧିକ ଉତ୍ପାଦ ବିତରଣ କରିବାରେ ସାହାଯ୍ୟ କରନ୍ତି ଓ ପ୍ରେରଣା ଦିଅନ୍ତି ।"
ସୂଚନା ଥାଉ କି କିଆ ସୋନେଟ ଭାରତୀୟ ବଜାରରେ ମୂଲ୍ୟ 7.99 ଲକ୍ଷରୁ 15.77 ଲକ୍ଷ ଟଙ୍କା (ଏକ୍ସ- ଶୋ’ରୁମ) ମଧ୍ୟରେ ବିକ୍ରି ହେଉଛି ।
