ସମ୍ବଲପୁର: ୱେଲକମ ମିଟିଂରେ ଜୁନିୟର ଛାତ୍ରଙ୍କୁ ସିନିୟର ଛାତ୍ରଙ୍କ ରାଗିଂ । ଘଟଣାଟି ଘଟିଛି ବୁର୍ଲା ବୀର ସୁରେନ୍ଦ୍ର ସାଏ ବୈଷୟିକ ବିଦ୍ୟାଳୟରେ । ୱେଲକମ୍ ମିଟିଂରେ ଛାତ୍ରଙ୍କୁ ରାଗିଂ କରାଯାଉଥିବାର ଏକ ଭିଡିଓ ସାମନାକୁ ଆସିଛି । ଏହି ଭିଡିଓରେ ଛାତ୍ରମାନେ କାନ ଧରି ଉଠବସ ହେଉଥିବାର ଏବଂ ଡ୍ରେସ ଖୋଲି ନାଚୁଥିବାର ଦୃଶ୍ୟ ଦେଖିବାକୁ ମିଳିଛି । ତେବେ ଏହି ଭିଡିଓଟି କିଛି ଦିନ ପୂର୍ବର ବୋଲି ଚର୍ଚ୍ଚା ହେଇଛି ।
ବର୍ତ୍ତମାନ ସୁଦ୍ଧା ରାଗିଂକୁ ନେଇ ଛାତ୍ରଙ୍କ ପକ୍ଷରୁ କୌଣସି ଅଭିଯୋଗ ହୋଇନାହିଁ । ଭିଡିଓରେ ଥିବା ଛାତ୍ରମାନେ କେଉଁ ବର୍ଷର ତାହା ମଧ୍ୟ ସ୍ପଷ୍ଟ ହୋଇନାହିଁ । ଭାଇରାଲ ଭିଡିଓରେ ସତ୍ୟତା ଅଛି ବୋଲି କହିଛନ୍ତି ଜଣେ ଛାତ୍ରଙ୍କ ସମ୍ପର୍କୀୟ । ସେପଟେ ଘଟଣା ସମ୍ପର୍କରେ ଭିସୁଟର କୁଳପତିଙ୍କୁ ପଚାରିବାରୁ ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି।
ରାଗିଂ ବେଆଇନ ବୋଲି ଘୋଷଣା ହୋଇଥିଲେ ମଧ୍ୟ ଏହି ଭିଡିଓ ସାମନାକୁ ଆସିବା ପରେ ଅନେକ ପ୍ରଶ୍ନ ସୃଷ୍ଟି କରିଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
