ସମ୍ବଲପୁର: 2 ବର୍ଷିୟା ଏକଜିକ୍ୟୁଟିଭ ଏମବିଏ କୋର୍ସ ଲଞ୍ଚ କଲା ସମ୍ବଲପୁର ଆଇଆଇଏମ। ପ୍ରଥମ ଥର ପାଇଁ ସମ୍ବଲପୁର ଆଇଆଇଏମ ଏହି କୋର୍ସ ଲଞ୍ଚ କରିଛି। ଆଜି ବୁର୍ଲାସ୍ଥିତ ସମ୍ବଲପୁର ଆଇଆଇଏମର ଅସ୍ଥାୟୀ କ୍ୟାମ୍ପସରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଏହି କୋର୍ସର ଶୁଭରମ୍ଭ ହୋଇଛି । ଏନେଇ ସମ୍ବଲପୁର ଆଇ ଆଇ ଏମ ନିର୍ଦ୍ଦେଶକ ମହାଦେବ ପ୍ରସାଦ ଜଏସ୍ୱାଲ ସୂଚନା ଦେଇଛନ୍ତି।
ପ୍ରଥମ ବ୍ୟାଚରେ 120 ଜଣ ଆବେଦନ କରିଥିବାବେଳେ 54 ଜଣ ଆଡ଼ମିଶନ କରିଛନ୍ତି। ଏଥରେ 3 ବର୍ଷରୁ 25 ବର୍ଷର ଅଭିଜ୍ଞତା ସମ୍ପନ୍ନ ଛାତ୍ରଛାତ୍ରୀ ଅଛନ୍ତି। ଏପରିକି ଦେଶ ତଥା ଦେଶ ବାହାରର ଛାତ୍ରଛାତ୍ରୀ ଅଛନ୍ତି। ଚଳିତ ବର୍ଷ ପ୍ରଥମ ବ୍ୟାଚରେ 2 ଜଣ ଜର୍ମାନୀର ଛାତ୍ର ଅଛନ୍ତି । ଏହା ଏକ ଗ୍ଲୋବାଲ କୋର୍ସ ଅଟେ, ଆଉ ଏଥିରେ ବିଦେଶର ଫ୍ୟାକଲ୍ଟି ଅଛନ୍ତି ବୋଲି କହିଛନ୍ତି ନିର୍ଦ୍ଦେଶକ ମହାଦେବ ପ୍ରସାଦ ଜଏସ୍ୱାଲ।
ଆଗକୁ ଏହି କୋର୍ସ ପାଇଁ ବହୁ ବିଦେଶୀ ଫ୍ୟାକଲ୍ଟି ଅସ୍ଥାୟୀ ଭାବେ ନିଯୁକ୍ତ ହେବେ ବୋଲି ସୂଚନା ଦିଆଯାଇଛି । ଏହା ସମ୍ବଲପୁର ଆଇଆଇଏମର ବଡ଼ ସଫଳତା। ଏହାର କୋର୍ସ ଫି 9 ଲକ୍ଷ ଟଙ୍କା ରହିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
