ସମ୍ବଲପୁର: ନିମ୍ନମାନର ଛତୁଆକୁ ନେଇ ସମିତି ବୈଠକରେ ଉତ୍ତେଜନା । ଗର୍ଭବତୀ ମହିଳାଙ୍କୁ ନିମ୍ନମାନର ଛତୁଆ ଦେଉଥିବା ଅଭିଯୋଗ କଲେ ସମିତି ସଭ୍ୟ । ସମ୍ବଲପୁର ଜିଲ୍ଲା ଜୁଜୁମୁରା ସମିତି ବୈଠକରେ ନିମ୍ନ ମାନର ଛତୁଆ କୁ ନେଇ ଉତ୍ତେଜନା । ନିମ୍ନମାନର ଛତୁଆ ଦିଆଯାଉଥିବା ନେଇ ଅଭିଯୋଗ ଆଣିଲେ ସମିତି ସଭ୍ୟ ଜୟନ୍ତ ପ୍ରଧାନ ।
ସମିତି ବୈଠକରେ ବିଡିଓଙ୍କୁ ଖାଇବାକୁ ଦେଲେ ନିମ୍ନମାନର ଛତୁଆ ଲଡୁ । ସମ୍ବଲପୁର ଜୁଜୁମୁରା ବ୍ଲକ ସମିତି ବୈଠକରେ ଏମିତି ଏକ ଅଭାବନୀୟ ଚିତ୍ର ଦେଖିବାକୁ ମିଳିଛି । ସମିତି ସଭ୍ୟ ଜୟନ୍ତ ପ୍ରଧାନ ନିମ୍ନମାନର ଛତୁଆ ତିଆରି ହେଉଥିବା ନେଇ ପୂର୍ବରୁ ଅନେକ ଥର ଅଭିଯୋଗ କରିଥିଲେ ।
ଏହାବି ପଢନ୍ତୁ- ବିରଳ ଅଲିଭ ରିଡଲେଙ୍କ ଜୀବନ ପ୍ରତି ଟ୍ରଲର ବିପଦ, ପ୍ରତିବର୍ଷ ମରୁଛନ୍ତି ହଜାର ହଜାର କଇଁଛ !
ତେବେ କେହି ଶୁଣୁ ନ ଥିବାରୁ ସମିତି ବୈଠକକୁ ହିତାଧିକାରୀଙ୍କୁ ଦିଆଯାଉଥିବା ଏକ ସିଲ ଛତୁଆ ପ୍ୟାକେଟ ଆଣିଥିଲେ ସମିତି ସଭ୍ୟ ଜୟନ୍ତ । ନିମ୍ନମାନର ଛତୁଆ ଓ ବାଦାମ ଲଡୁ ଆଣି ବୈଠକରେ ଉପସ୍ଥିତ ଥିବା ଜୁଜୁମୁରା ବିଡିଓ, ସିଡିପିଓ, ବ୍ଲକ ଅଧ୍ୟକ୍ଷା, ସମସ୍ତ ସରପଞ୍ଚ ଓ ସମିତି ସଭ୍ୟମାନଙ୍କୁ ଖାଇବାକୁ ଦେଇଥିଲେ ଜୟନ୍ତ । ଛତୁଆ ଏଭଳି ନିମ୍ନମାନର ଥିଲା ଯେ ତାହା ଦୁର୍ଗନ୍ଧ ହେବା ସହ ଫିମ୍ପି ମାରି ଯାଇ ଥିବାର ଦେଖିବାକୁ ମିଳିଥିଲା ।
ତାହାକୁ ଅଧିକାରୀ ମାନେ ଖାଇ ପାରି ନ ଥିଲେ, ଅନେକ ସମୟ ଧରି ବୈଠକରେ ହୋହାଲ୍ଲା ହେବା ସହ ଛତୁଆର ମାନ ଯାଞ୍ଚ କରିବା ପାଇ ଜୟନ୍ତ ଦାବି କରିଛନ୍ତି । ତେବେ ଏନେଇ ଜିଲ୍ଲା ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ ।
ଇଟିଭି ଭାରତ, ସମ୍ବଲପୁର
