ସମ୍ବଲପୁର: ସ୍କୁଲ ବାର୍ଷିକ ଉତ୍ସବ ନାଟକରେ ହିନ୍ଦୁ ଧର୍ମୀୟ ଭାବନାକୁ ଆଘାତ । ପ୍ରଭୁ ଶ୍ରୀରାମ ଓ ମାତା ସୀତାଙ୍କ ଚରିତ୍ରକୁ କଦର୍ଥ କରି ପରିବେଷଣ । ଏହାକୁ ନେଇ ଥାନାରେ ଏତଲା ଦିଆଯାଇଛି । ବଜରଙ୍ଗ ଦଳ ଓ ବିଶ୍ୱ ହିନ୍ଦୁ ପରିଷଦ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ଦାବି ହୋଇଛି ।
ସମ୍ବଲପୁରର ରେମେଡ଼ ଛକ ସ୍ଥିତ ଏକ ଘରୋଇ ସ୍କୁଲରେ ବାର୍ଷିକ ଉତ୍ସବ ଚାଲିଥିବା ବେଳେ ଛାତ୍ରଛାତ୍ରୀଙ୍କ ଦ୍ୱାରା ନାଟକ ପରିବେଷିତ ହୋଇଥିଲା । ଯେଉଁଥିରେ ହିନ୍ଦୁ ଧର୍ମୀୟ ଭାବନାକୁ ଆଘାତ ଦେଉଥିବା ଭଳି ଦୃଶ୍ୟ ପରିବେଷଣ ହୋଇଥିବା ଅଭିଯୋଗ ହୋଇଛି l ହିନ୍ଦୁ ମାନଙ୍କ ଆରାଧ୍ୟ ଦେବତା ପ୍ରଭୁ ଶ୍ରୀରାମ ଓ ମାତା ସୀତାଙ୍କ ଚରିତ୍ରକୁ କଦର୍ଥ କରି ପରିବେଷଣ କରାଯାଇଥିଲା । ସେହି ନାଟକରେ ଆଧ୍ୟତ୍ମିକ ତଥା ପୌରାଣିକ ନାଟକକୁ ହାସ୍ୟତ୍ମକ ଢଙ୍ଗରେ ପ୍ରଦର୍ଶନ କରାଯାଇଥିଲା । ତା ସହ ରାମ ଓ ସୀତୀଙ୍କ ଚରିତ୍ରକୁ ବ୍ୟାଙ୍ଗତ୍ମକ ରୂପରେ ଚିତ୍ରଣ କରାଯାଇ ଥିଲା । ଏଥିରେ ମାତା ସୀତାଙ୍କୁ କଦର୍ଥ କରି ସଂଳାପ କୁହାଯାଇଥିଲା l ଯାହା ହିନ୍ଦୁ ଧର୍ମର ଅପମାନ କରିବା ସହିତ ପିଲାଙ୍କ ମନରେ ଆମ ଭଗବାନଙ୍କ ପ୍ରତି ଏକ ପ୍ରକାରର ଅସମ୍ମାନ ଭାବ ସୃଷ୍ଟି କରିବ । ଏହି ନାଟକର ଭିଡିଓ ସାମାଜିକ ଗଣ ମାଧ୍ୟମରେ ଭାଇରାଲ ହେବା ପରେ ହିନ୍ଦୁ ସଂଗଠନ ମାନଙ୍କ ମଧ୍ୟରେ ପ୍ରତିକ୍ରିୟା ପ୍ରକାଶ ପାଇଥିଲା l
