ସମ୍ବଲପୁର: ଆଜି ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେରେ ରିପବ୍ଲିକାନ ପାର୍ଟି ଅଫ ଇଣ୍ଡିଆ ରାଜ୍ୟ ଶାଖା ପକ୍ଷରୁ ଧାରଣା ଦିଆଯିବା ସହ ମୁଖ୍ୟତଃ ଦୁଇଟି ଦାବି ନେଇ ରାଜ୍ୟପାଳଙ୍କ ଉଦ୍ଦେଶ୍ୟରେ ଜିଲ୍ଳାପାଳଙ୍କୁ ଦାବି ପତ୍ର ଦିଆଯାଇଛି ।
ସମ୍ବଲପୁରରେ ରିପବ୍ଲିକାନ ପାର୍ଟି ଅଫ ଇଣ୍ଡିଆର ଧରଣା
ଦଳର ରାଜ୍ୟ ସଭାପତି ଶେଖ ଅବଦୁଲ ୱଲିଙ୍କ ନେତୃତ୍ବରେ ହୋଇଥିବା ଏହି ଆନ୍ଦୋଳନରେ ବହୁ ସଂଖ୍ୟକ ଗରିବ ଭୂମିହୀନ ଲୋକ ସାମିଲ ହୋଇଥିଲେ। ଭୂମିହୀନଙ୍କୁ ବିନା ମୂଲ୍ୟରେ 5 ଏକର ଜମି ଯୋଗାଇଦେବା ତଥା ପଶ୍ଚିମ ଓଡିଶାର ସମ୍ବଲପୁରରେ ହାଇକୋର୍ଟର ସ୍ଥାୟୀ ବ୍ୟାଞ୍ଚ ସ୍ଥାପନ କରିବାକୁ ପାର୍ଟି ଦାବି କରିଛି ।
ଏନେଇ ଆଜି ଦଳ ପକ୍ଷରୁ ଦାବି ପତ୍ର ମଧ୍ୟ ପ୍ରଦାନ କରାଯାଇଛି । ଆଗକୁ ସମ୍ବଲପୁରରେ ହାଇକୋର୍ଟ ବେଞ୍ଚ ସ୍ଥାପନା ନେଇ ଓକିଲଙ୍କ ଆନ୍ଦୋଳନ ହେଲେ ଦଳୀୟ କର୍ମୀମାନେ ମଧ୍ୟ ଏଥିରେ ସାମିଲ ହେବେ ବୋଲି ସୂଚନା ଦେଇଛନ୍ତି ରାଜ୍ୟ ସଭାପତି ଶେଖ ଅବଦୁଲ ୱଲୀ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
