ସମ୍ବଲପୁର: କୋରୋନା ସ୍ଥିତିର ସମୀକ୍ଷା କଲେ ପୋଲିସ ମହାନିର୍ଦ୍ଦେଶକ । ଗୁରୁବାର ସମ୍ବଲପୁର ଗସ୍ତରେ ଯାଇ ସ୍ଥିତି ସମୀକ୍ଷା କରିଛନ୍ତି ପୋଲିସ ଡିଜି ଅଭୟ। ଗୁରୁବାର ସେ ଏକ ସ୍ବତନ୍ତ୍ର ହେଲିକେପ୍ଟର ଯୋଗେ ସମ୍ବଲପୁର ରିଜର୍ବ ପଡିଆରେ ପୂର୍ବାହ୍ନ ପ୍ରାୟ ସାଢ଼େ 10ଟା ସମୟରେ ପହଞ୍ଚିଥିଲେ।
କୋରୋନା ସ୍ଥିତି ପରଖିବାକୁ ଡିଜିଙ୍କ ସମ୍ବଲପୁର ଗସ୍ତ
ସେଠାରେ ପହଞ୍ଚିବା ପରେ ସେ ସମ୍ବଲପୁର ଉତ୍ତରାଞ୍ଚଳ ଆରଡିସି, ଜିଲ୍ଲାପାଳ, ଏସପି ଓ ଡିଆଇଜିଙ୍କ ସହ କୋରୋନା ମୁକାବିଲା ନେଇ ଜିଲ୍ଲା ପ୍ରଶାସନ ପକ୍ଷରୁ ନିଆଯାଇଥିବା ବିଭିନ୍ନ ପଦକ୍ଷେପ ଉପରେ ସମୀକ୍ଷା କରିଥିଲେ।
ଏହି ଅବସରରେ ସେ କୋରୋନା ବିରୁଦ୍ଧରେ ସମ୍ବଲପୁର ପୋଲିସ ଗ୍ରହଣ କରୁଥିବା ପଦକ୍ଷେପକୁ ପ୍ରଶଂସା କରିବା ସହ ସମ୍ବଲପୁରବାସୀଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି। ସମୀକ୍ଷା ବୈଠକ ପୂର୍ବରୁ ପୋଲିସ ଡିଜି ପୋଲିସ ବିଭାଗର 3 ଜଣ ମହିଳା କର୍ମଚାରୀଙ୍କୁ ତାଙ୍କ କର୍ତ୍ତବ୍ୟ ନିଷ୍ଠା ପାଇଁ ପ୍ରଶଂସା କରିଛନ୍ତି ।
ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ
