ସମ୍ବଲପୁର: ଡିଆରଡିଏ ସ୍ଥିତ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଓରମାସ ପକ୍ଷରୁ ନିଯୁକ୍ତ ଯୁବକ ଯୁବତୀଙ୍କ ଅଭିଭାବକଙ୍କୁ ନେଇ ଏକ ସମ୍ମଳନୀ ଅନୁଷ୍ଠିତ ହୋଇଯାଇଛି। ଏଥିରେ ସମ୍ବଲପୁରର ବିଭିନ୍ନ ବ୍ଲକରୁ ଆସିଥିବା ଅଭିଭାବକ ମାନେ ନିଜ ନିଜ ଅନୁଭୂତି ବାଣ୍ଟିବା ସହ ଓରମାସ ପକ୍ଷରୁ ସମ୍ମାନିତ ହୋଇଛନ୍ତି।
ଓରମାସ ଜିଲ୍ଲାର ଗ୍ରାମାଞ୍ଚଳରେ ଥିବା ବେକାର ଯୁବକ ଯୁବତୀଙ୍କୁ ଚିହ୍ନଟ କରିବା ସହ ବିଭିନ୍ନ ଟ୍ରେଡରେ ଯେଉଁ ଯୁବକ ଯୁବତୀଙ୍କୁ 3 ମାସର ତାଲିମ ଦେଇ ରାଜ୍ୟ ତଥା ରାଜ୍ୟ ବାହାରେ ନିଯୁକ୍ତ କରାଇଛି ସେମାନଙ୍କ ଅଭିଭାବକଙ୍କୁ ନେଇ ଏହି ସମ୍ମିଳନୀ ଅନୁଷ୍ଠିତ ହୋଇଥିଲା । ଏଥିରେ 3ଟି ବିଭିନ୍ନ ସ୍ଥାନରୁ ଆସିଥିବା ଅଭିଭାବକ ମାନେ ନିଜ ନିଜର ଅଭିଜ୍ଞତା ବାଣ୍ଟିଥିଲେ ।
ଏହି କାର୍ଯ୍ୟକ୍ରମକୁ ଓରମାସ ଆୟୋଜନ କରିଥିବା ବେଳେ ଓଡିଶା ଜୀବିକା ମିଶନ ସହାୟତା କରିଥିଲେ। କେନ୍ଦ୍ର ସରକାରଙ୍କ ଦିନ ଦୟାଲ ଉପାଧ୍ୟାୟ ଗ୍ରାମୀଣ କୌଶଳ ଯୋଜନାର ସଫଳତା ନେଇ ସଚେତନତା ଉଦ୍ଦେଶ୍ୟରେ ଏହା ଅନୁଷ୍ଠିତ ହୋଇଥିଲା।
ସମ୍ବଲପୁରରୁ ବାଦଶାହ ଜୁସମନ ରଣା, ଇଟିଭି ଭାରତ
