ସମ୍ବଲପୁର: ସମ୍ବଲପୁର ଜିଲ୍ଲାରେ ଆରମ୍ଭ ହେଲା ଚଳିତ ଖରିଫ ଋତୁ ପାଇଁ ଧାନ ସଂଗ୍ରହ ପ୍ରକ୍ରିୟା l ଜିଲ୍ଲା ପ୍ରଶାସନର DLPC ବୈଠକ ର ନିଷ୍ପତ୍ତି ଅନୁସାରେ ଗତକାଲି ଠାରୁ ସମ୍ବଲପୁର ଜିଲ୍ଲାର ସମ୍ବଲପୁର ସବ ଡିଭିଜନରୁ ଆରମ୍ଭ ହୋଇଛି ଧାନ ସଂଗ୍ରହ ବା ଧାନ କ୍ରୟ l ଆସନ୍ତା 27 ତାରିଖରୁ ଜିଲ୍ଲାର ରେଢ଼ାଖୋଲ ଓ କୁଚିଣ୍ଡା ସବ ଡିଭିଜନରେ ଆରମ୍ଭ ହେବ ଧାନ ସଂଗ୍ରହ l ଏନେଇ ସମ୍ବଲପୁର ଜିଲ୍ଲା ଯୋଗାଣ ଅଧିକାରୀ ରାମଚନ୍ଦ୍ର ଟୁଡୁ ସୂଚନା ଦେଇଛନ୍ତି l ସେପଟେ ଚାଷୀ ଧାନ ଅମଳ କରି ଘରେ ଧାନ ରଖିଥିବା ବେଳେ ଟୋକାନ ମିଳି ନଥିବାରୁ ମଣ୍ଡିକୁ ଧାନ ଆଣି ପାରି ନଥିବା ଅଭିଯୋଗ ହୋଇଛି l
ଅଧିକ ପଢନ୍ତୁ- ରେଢାଖୋଲ ଉପଖଣ୍ଡରେ ଧାନ ସଂଗ୍ରହ ପ୍ରକ୍ରିୟାରେ ବ୍ୟାପକ ଅବ୍ୟବସ୍ଥା ଅଭିଯୋଗ
ସମ୍ବଲପୁର ଜିଲାରେ ଆରମ୍ଭ ହୋଇଛି ଧାନ ସଂଗ୍ରହ l ଚଳିତ ଥର ଜିଲାରେ 59,904 ଜଣ ଚାଷୀ ଧାନ କ୍ରୟ ପାଇଁ ପଞ୍ଜିକୃତ ହୋଇଛନ୍ତି l ଏଥିପାଇଁ ଜିଲ୍ଲା ସ୍ତରରେ 63 ମଣ୍ଡି ର ବ୍ୟବସ୍ଥା କରାଯାଇଛି l ଏଥର ଜିଲାରେ 40 ଜଣ ମିଲର,45 ଟି ପେକ୍ସ ଓ 15 ଟି ମହିଳା ସ୍ବୟଂ ସହାୟକ ଗୋଷ୍ଠୀ ଧାନ ସଂଗ୍ରହ ପ୍ରକ୍ରିୟାରେ ଧାନ ସଂଗ୍ରହ ପାଇଁ ନିୟୋଜିତ ହୋଇଥିବା ଜିଲ୍ଲା ଯୋଗାଣ ଅଧିକାରୀ ରାମଚନ୍ଦ୍ର ଟୁଡୁ କହିଛନ୍ତି l ଗୋଟିଏ ସପ୍ତାହରେ 6 ଦିନ ଧାନ ସଂଗ୍ରହ କରାଯାଉଛି l ପ୍ରଥମ ପର୍ଯ୍ୟାୟରେ 27 ଲକ୍ଷ 60 ହଜାର 294 କ୍ବିଣ୍ଟାଲ ଧାନ ସଂଗ୍ରହର ଲକ୍ଷ୍ୟ ଧାର୍ଯ୍ୟ ହୋଇଥିବା ବେଳେ ପ୍ରଥମ ଦିନରେ 100 ଜଣ ଚାଷୀ ଙ୍କ ଠାରୁ 9629 ପକେଟ ଧାନ ସଂଗ୍ରହ ହୋଇଥିବା ସୂଚନା ଦିଆଯାଇଛି l ଅଭାବୀ ଧାନ ବିକ୍ରି ରୋକିବା ପାଇଁ ଜିଲ୍ଲାର 3ଟି ଉପଖଣ୍ଡରେ 3ଟି ସ୍କୟାର୍ଡର ବ୍ୟବସ୍ଥା ହୋଇଥିବା ବେଳେ ଗୋଟିଏ ଜିଲ୍ଲା ସ୍ତରୀୟ ସ୍କୟାର୍ଡ ତିଆରି ହୋଇଛି l
ଅନ୍ୟପଟେ ଟୋକନ ବ୍ୟବସ୍ଥାକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି l ଚାଷୀ କହିଛନ୍ତି ଯେ ରାଜ୍ୟ ସରକାର ଜୁଲାଇ ମାସରୁ ଚାଷୀଙ୍କ ପଞ୍ଜିକରଣ ବ୍ୟବସ୍ଥା କଥା କହୁଥିବା ବେଳେ କିଛି ଚାଷୀ ନିଜ ସୁବିଧା ଅନୁସାରେ ନଭେମ୍ବର ପ୍ରଥମ ସପ୍ତାହ ରେ ଓ କେତେକ ଚାଷୀ ନଭେମ୍ବର ମଧ୍ୟ ଭାଗରେ ମଣ୍ଡି ଖୋଲିବାକୁ ଦାବୀ କରୁଛନ୍ତି l ରାଜ୍ୟ ସରକାର ଏହି ନିଷ୍ପତି ଜିଲ୍ଲା ସ୍ତରରେ ଚାଷୀଙ୍କ ମତ ଅନୁସାରେ ନନେଇ ରାଜଧାନୀରେ ଏହି ନିଷ୍ପତି ନେଉଛନ୍ତି l ଯାହା ଫଳରେ ଜିଲାରେ ନଭେମ୍ବର ଶେଷ ଆଡକୁ ମଣ୍ଡି ଖୋଲା ଯାଉଛି l ଏଭଳି ସ୍ଥତି ରେ ଚାଷୀ ବାଧ୍ୟ ହୋଇ କମ ଦାମ ରେ ଧାନ ବିକ୍ରି କରିବାକୁ ବାଧ୍ୟ ହେଉଥିବା ଚାଷୀ ଅଭିଯୋଗ କରୁଛନ୍ତି l ଯାହା ପାଖରେ ଧାନ ଅଛି ତା ପାଖରେ ଟୋକନ ନାହିଁ ଓ ଯାହା ପାଖରେ ଧାନ ନାହିଁ ତା ପାଖରେ ଟୋକନ ଥିବା ଚାଷୀ କହିଛନ୍ତି l ହେଲେ ସମ୍ବଲପୁର ଜିଲ୍ଲା ଯୋଗାଣ ଅଧିକାରୀ ରାମଚନ୍ଦ୍ର ଟୁଡୁ ଏହି ଅଭିଯୋଗ କୁ ଖଣ୍ଡନ କରିବା ସହ କହିଛନ୍ତି ଯେ ଚାଷୀଙ୍କ ଠାରୁ ମତ ନେଇ ସେହି ହିସାବରେ ଟୋକନ ଦିଆଯାଉଛି l
ଇଟିଭି ଭାରତ, ସମ୍ବଲପୁର
