ସମ୍ବଲପୁର : ନାବାଳିକାକୁ ଅପହରଣ କରିଥିବା ଅଭିଯୋଗରେ ଜଣେ ଗିରଫ । ଗିରଫ ଅଭିଯୁକ୍ତ ଜଣକ ହେଲେ ଅନୁଗୁଳ ଜିଲ୍ଲାର ନିଶା ଥାନା ଅନ୍ତର୍ଗତ ଝିଟିପାଲିର ପପୁନ ବେହେରା (23)। ଗତ ଜୁଲାଇ ୩ ତାରିଖରୁ ସେ ରେଙ୍ଗାଲି ଅଞ୍ଚଳର ଜଣେ 17 ବର୍ଷୀୟ ନାବାଳିକାକୁ ନେଇ ହାଇଦ୍ରାବାଦରେ ବଳପୂର୍ବକ ରଖି ନିର୍ଯ୍ୟାତନା ଦେଉଥିବା ଅଭିଯୋଗ ହୋଇଛି। ଏନେଇ ନାବାଳିକାଙ୍କ ବାପା ଗତ ଜୁଲାଇ ମାସ ୫ ତାରିଖରେ ସମ୍ବଲପୁର ରେଙ୍ଗାଲି ଥାନା ଏତଲା ଦେଇଥିବା ପୋଲିସ ପକ୍ଷରୁ ସୂଚନା ମିଳିଛି।
ଏହି ଘଟଣା ନେଇ ପୋଲିସ ତଦନ୍ତ ଜାରି ରଖିଥିଲା। ତେବେ ନଭେମ୍ବର 17 ରେ ନାବାଳିକାଟି କୌଣସି ପ୍ରକାରେ ନିଜ ପରିବାର ଲୋକଙ୍କୁ ଫୋନ କଲ କରିଥିଲା । ପରେ ପରିବାର ଲୋକେ ଏନେଇ ରେଙ୍ଗାଲି ପୋଲିସକୁ ସୂଚନା ଦେଇଥିଲେ। ଏହା ସୂଚନା ପାଇବା ମାତ୍ରେ ପୋଲିସର ଏକ ଟିମ ନେଇ କରି ହାଇଦ୍ରାବାଦ ଅଭିମୁଖେ ବାହାରିଥିଲା। ସେଠାରେ ସ୍ଥାନୀୟ ପୋଲିସ ଓ ଟେକନିକାଳ ଟିମର ସହାୟତାରେ ଅଭିଯୁକ୍ତକୁ ଗିରଫ କରି ସମ୍ବଲପୁର ଆଣି କୋର୍ଟ ଚାଲାଣ କରିଛି। ଅଭିଯୁକ୍ତ ବିରୁଦ୍ଧରେ POCSO Act ରେ ମାମଲା ରୁଜୁ ହୋଇଥିବା ପୋଲିସ ସୂଚନା ଦେଇଛି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
