ସମ୍ବଲପୁର: ଜିଲ୍ଲା କିସିଣ୍ଡା ଅଞ୍ଚଳର ଜଙ୍ଗରୁ ମାଈ ହାତୀର ମୃତଦେହ ଉଦ୍ଧାର। ହାତୀଟିର ଗୋଡରେ ଗଭୀର ଆଘାତ ଲାଗିଥିବାରୁ ହାତୀଟି ଅସୁସ୍ଥ ଅବସ୍ଥାରେ ଜଙ୍ଗଲରେ ବୁଲୁଥିବା ସ୍ଥାନୀୟ ଲୋକ ଦେଖିବାକୁ ପାଇଥିଲେ । ଆଜି ହାତୀଟିର ମୃତ୍ୟୁ ହୋଇଥିବା ବେଳେ ଏନେଇ ସ୍ଥାନୀୟ ଲୋକେ ବନବିଭାଗକୁ ଖବର ଦେଇଥିଲେ ।
ଏନେଇ ସୂଚନା ପାଇ ଘଟଣାସ୍ଥଳରେ ବନ ବିଭାଗ ଅଧିକାରୀ ପହଞ୍ଚି ମୃତହାତୀକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ବା ସହ ହାତୀ ଗୋଡରେ କିପରି ଆଘାତ ଲାଗିଲା ସେନେଇ ତଦନ୍ତ ଆରମ୍ଭ କରିଛି ବାମରା ବନଖଣ୍ଡ ବିଭାଗ । ତେବେ ବ୍ୟବଚ୍ଛେଦ ପରେ ହାତୀ ମୃତ୍ୟୁର ପ୍ରକୃତ କାରଣ ଜଣାପଡିବା ନେଇ ବନବିଭାଗ ତରଫରୁ କୁହାଯାଇଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
