ସମ୍ବଲପୁର: ଜିଲ୍ଲାର ବୁର୍ଲା ଭିମାସର ନର୍ସିଂ ସ୍କୁଲ ଛାତ୍ରଛାତ୍ରୀଙ୍କ ମଧ୍ୟରେ ଦେଖାଯାଇଛି ଅସନ୍ତୋଷ । ନର୍ସିଂ ସ୍କୁଲର ପ୍ରନ୍ସିପାଲ ଛାତ୍ରଛାତ୍ରୀଙ୍କ ଠାରୁ ବେଆଇନ ଭାବେ ଟଙ୍କା ଆଦାୟ କରିବା ସହ ଦୁର୍ବ୍ୟବହାର କରୁଛନ୍ତି, ଛାତ୍ରଛାତ୍ରୀଙ୍କୁ ମୋବାଇଲ ରିଚାର୍ଚ୍ଚ କରିବାକୁ କହିବା ସହ ସେମାନଙ୍କର ଅଭିଭାବକଙ୍କୁ ଦୁର୍ବ୍ୟବହାର କରିବା ସହ ଶାଢ଼ୀ କିଣିବାକୁ କହୁଥିବା ଅଭିଯୋଗ ହୋଇଛି । ଏଥିପାଇଁ ପ୍ରିନ୍ସପାଲଙ୍କୁ ବଦଳି କରିବାକୁ ଦାବି କରି ଗୁରୁବାର ଆନ୍ଦୋଳନକୁ ଓହ୍ଲାଇଛନ୍ତି ଛାତ୍ରଛାତ୍ରୀ ।
ଏନେଇ ସହରରେ ଶୋଭାଯାତ୍ରା କରିବା ସହ ବୁର୍ଲା ମେଡିକାଲ ଅଧିକ୍ଷକ ଜୟଶ୍ରୀ ଦୋରାଙ୍କୁ ଭେଟିଛନ୍ତି । ତେବେ ଘଟଣାର ତଦନ୍ତ କରିବାକୁ ଏକ ଟିମ ଗଠନ କରାଯାଇଥିବା ସହ ତଦନ୍ତ ରିପୋର୍ଟ ଆସିଲେ ଉପରିସ୍ଥ ଅଧିକାରୀଙ୍କୁ ପଠାଯିବ ବୋଲି ଅଧିକ୍ଷକ ସୂଚନା ଦେଇଛନ୍ତି ।
ଅନ୍ୟପଟେ ନର୍ସିଂ ସ୍କୁଲ ପ୍ରିନ୍ସପାଲ ସ୍ନେହଲତା ଓରାମ ସମସ୍ତ ଅଭିଯୋଗ ଖଣ୍ଡନ କରିଛନ୍ତି । ସେ ସ୍କୁଲରେ ଶୃଙ୍ଖଳା ଆଣିବାକୁ ପଦକ୍ଷେପ ନେବାରୁ ତାଙ୍କୁ ବଦଳି କରିବାକୁ କିଛି ବାହାରିଆ ଲୋକଙ୍କ ସହାୟତାରେ ଛାତ୍ରଛାତ୍ରୀ ଏହି ଆନ୍ଦୋଳନ କରୁଥିବା କହିଛନ୍ତି।
ସମ୍ବଲପୁରରୁ ବାଦସାହା ଜୁଷ୍ମନ ରଣା, ଇଟିଭି ଭାରତ
