ସମ୍ୱଲପୁର: ଆଉ 2 ଦିନ ପରେ ନୂଆଁଖାଇ । ଆସନ୍ତା 23 ତାରିଖ, ରବିବାର ସକାଳ 9 ଟା 35 ରୁ 9 ଟା 50 ମଧ୍ୟରେ ସମ୍ବଲପୁର ର ଇଷ୍ଟ ଦେବୀ ମା ସମଲେଇଙ୍କ ପାଖରେ ଲାଗିବ ନୂଆ ଚାଉଳର ଭୋଗ ।
ନୂଆଁଖାଇ; ସମଲେଶ୍ୱରୀ ମନ୍ଦିର ମୁଖ୍ୟ ପୂଜକଙ୍କ ଘରକୁ ପହଁଚିଲା ନୂଆ ଧାନ
ଏଥିପାଇଁ ପରମ୍ପରା ମୁତାବକ ସମଲେଶ୍ୱରୀ ମନ୍ଦିରର ମୁଖ୍ୟ ପୂଜକଙ୍କ ଘରକୁ ପହଞ୍ଚିଛି ନୂଆଁଖାଇ ପାଇଁ ନୂଆ ଧାନ ଶସ୍ୟ । ସମ୍ବଲପୁର ବଲବସପୁର ଗାଁ ସୁବାଷ ବେହେରା ନିଜ କ୍ଷେତରୁ ନୂଆ କରି ଅମଳ ହୋଇଥିବା ଧାନଶସ୍ୟକୁ ବିଧି ପୂର୍ବକ ପୂଜାର୍ଚ୍ଚନା କରି ସମଲେଶ୍ୱରୀ ମନ୍ଦିରର ମୁଖ୍ୟ ପୂଜକଙ୍କୁ ପ୍ରଦାନ କରିଛନ୍ତି ।
ବର୍ଷ ବର୍ଷ ଧରି ବଲବସପୁର ର ଏହି ବେହେରା ପରିବାର ସମଲେଶ୍ବରୀ ମନ୍ଦିର ଏହି ନୂଆ ଧାନ ଶସ୍ୟ ପ୍ରଦାନ କରିଆସୁଛନ୍ତି । କୋଭିଡ କଟକଣା ଯୋଗୁଁ ସରକାରୀ ନୀତି ନିୟମ ପାଳନ ପୂର୍ବକ ମା ସମଲେଶ୍ବରୀଙ୍କ ଠାରେ ନୂଆ ଭୋଗ ଲାଗିବ ବୋଲି ସମଲେଶ୍ୱରୀ ମନ୍ଦିରର ମୁଖ୍ୟ ପୂଜକ ଅମ୍ବିକା ରାୟ କହିଛନ୍ତି ।
ସମ୍ୱଲପୁରରୁ ବାଦଶାହା ଜୁଶ୍ମନ ରଣା, ଇଟିଭି ଭାରତ
